മനില: കൊറോണ വ്യാപനത്തെ തുടര്‍ന്ന്‍ ഭരണകൂട നിർദ്ദേശ പ്രകാരം ദേവാലയങ്ങളിൽ ജനപങ്കാളിത്തത്തിന് വിലക്കുള്ള സാഹചര്യത്തിൽ ഇന്ന് ഓശാന ഞായറാഴ്ച ഫിലിപ്പീന്‍സിലെ കത്തോലിക്ക വൈദികർ മുചക്ര വാഹനങ്ങളിൽ സഞ്ചരിച്ചുകൊണ്ട് വിശ്വാസികളെ ആശീര്‍വദിച്ചു. കൈയിൽ കുരുത്തോല വഹിച്ചും രൂപങ്ങൾ അലങ്കരിച്ചു കൊണ്ടുമാണ് വിശ്വാസികൾ ഈ സമയത്തു തെരുവോരത്ത് നിലകൊണ്ടത്. ലോകത്തെ ഏറ്റവുമധികം കത്തോലിക്കരുള്ള രാഷ്ട്രങ്ങളില്‍ ഒന്നായ ഫിലിപ്പീന്‍സില്‍ അതിമനോഹരമായാണ് ഓരോ വർഷവും ഓശാന ഞായർ ആഘോഷിച്ചുകൊണ്ടിരിക്കുന്നത്.

ഇത്തവണ തിരുകർമ്മങ്ങളിൽ പങ്കുചേരാൻ കഴിഞ്ഞില്ലെങ്കിലും വലിയ ആത്മീയ ദാഹത്തോടെ വിശ്വാസികൾ തെരുവ് വീഥികളിൽ അകലം പാലിച്ച് നിലയുറപ്പിക്കുകയായിരുന്നു. സ്വന്തം ഭവനങ്ങളുടെ മുന്നില്‍ മാസ്കും ധരിച്ച് കുരുത്തോലയുമായി നിരന്നു നിന്ന വിശ്വാസികളെ വാഹനങ്ങളില്‍ പ്രത്യേകം തയ്യാറാക്കിയ തട്ടകങ്ങളില്‍ നിന്നുകൊണ്ട് വൈദികർ കുരിശടയാളം വഴിയും ഹന്നാൻ വെള്ളം തളിച്ചും ആശീര്‍വദിച്ചു. ഈ സമയത്ത് പ്രാർത്ഥനയോടെ കൂപ്പുകരങ്ങളോടെയാണ് വിശ്വാസികൾ നിലനിന്നത്.

അതേസമയം 3246 കൊറോണ കേസുകള്‍ സ്ഥിരീകരിച്ച ഫിലിപ്പീന്‍സില്‍ ഏര്‍പ്പെടുത്തിയ ലോക്ക്ഡൌണ്‍ ഏപ്രില്‍ പകുതി വരെ നീട്ടുമെന്നാണ് സൂചന. ഫിലിപ്പീന്‍സിലെ ദശലക്ഷകണക്കിന് വരുന്ന വിശ്വാസികള്‍ വിശുദ്ധ കുര്‍ബാനക്കായി ഇപ്പോള്‍ തത്സമയം സംപ്രേക്ഷണങ്ങളെയാണ് ആശ്രയിക്കുന്നത്. 

ഇരിപ്പിടങ്ങളില്‍ കുടുംബങ്ങളുടെ പേരും കുരുത്തോലയും: മട്ടാഞ്ചേരി ഇടവക ദേവാലയം ശ്രദ്ധയാകര്‍ഷിക്കുന്നു

ദേവാലയ മുറ്റത്ത് ദിവ്യകാരുണ്യവുമായി വൈദികന്‍ നിലയുറപ്പിച്ചു: ആശീര്‍വ്വാദം സ്വീകരിച്ച് വിശ്വാസികള്‍

ഈസ്റ്റര്‍ ദിനത്തില്‍ ലാറ്റിന്‍ അമേരിക്കയെ ഗ്വാഡലൂപ്പ മാതാവിനു സമര്‍പ്പിക്കും

മദര്‍ തെരേസയോട് മാധ്യസ്ഥം യാചിക്കുവാന്‍ ഫ്രാന്‍സിസ് പാപ്പയുടെ ആഹ്വാനം

അമേരിക്കയില്‍ പ്രാര്‍ത്ഥിക്കുന്നവരുടെ എണ്ണത്തില്‍ വര്‍ദ്ധനവെന്ന് പഠനഫലം

കൊറോണക്കെതിരെ ഒക്‌ലഹോമ ഗവര്‍ണറിന്റെ നേതൃത്വത്തില്‍ പ്രാര്‍ത്ഥന കൂട്ടായ്മ

പേരും വീട്ടുപേരും ബെഞ്ചുകളില്‍ എഴുതിയൊട്ടിച്ച് വൈദികന്റെ ബലിയര്‍പ്പണം

ഫരീദാബാദ് രൂപതയെ ശനിയാഴ്ച ഈശോയുടെ തിരുഹൃദയത്തിനു സമര്‍പ്പിക്കും

'ദൈവകരുണയുടെ ചിത്രം വാതിലില്‍ പതിക്കൂ': കൊറോണയ്ക്കെതിരെ ആത്മീയ പ്രതിരോധം നിര്‍ദ്ദേശിച്ച് വൈദികന്‍

ഒരേസമയം പ്രാര്‍ത്ഥിക്കുവാന്‍ ചിക്കാഗോ അതിരൂപത അഞ്ചുനേരം പള്ളി മണികൾ മുഴക്കും