Events - 2024
'യേശുവിനായി നമുക്കും ഒരു മിഷ്ണറിയാകാം': പ്രത്യേക ലോക് ഡൗൺ ഓൺലൈൻ ധ്യാനം മെയ് 4 മുതൽ 6 വരെ
ബാബു ജോസഫ് 30-04-2020 - Thursday
സുവിശേഷ വേലയിൽ ദൈവ കരുണയുടെ ജീവിക്കുന്ന പ്രതിരൂപമായിക്കൊണ്ട് മിഷ്ണറി ജീവിതത്തിന്റെ വെളിച്ചത്തിൽ യഥാർത്ഥ സുവിശേഷവേലയുടെ മഹത്വം പ്രഘോഷിച്ചുകൊണ്ട്, പ്രമുഖ മിഷ്ണറിയും എംഎസ്എഫ്എസ് കോൺഗ്രിഗേഷൻ ഷില്ലോങ് ഹോളി റെഡീമർ റിന്യൂവൽ സെന്റർ അസിസ്റ്റന്റ് സുപ്പീരിയറുമായ റവ.ഫാതോമസ് പോൾ നയിക്കുന്ന മൂന്ന് ദിവസത്തെ പ്രത്യേക ധ്യാനം ലോക്ഡൗണിന്റെ പശ്ചാത്തലത്തിൽ ഓൺലൈനായി നടക്കുന്നു.
കത്തോലിക്കാ സഭയിലെ വിശുദ്ധരുടെ വീരോചിതവും ത്യാഗോജ്വലവുമായ ജീവിതങ്ങളെ അനുസ്മരിപ്പിച്ചുകൊണ്ട് ലോകത്തിലെ വിവിധ രാജ്യങ്ങളിൽ വ്യത്യസ്തങ്ങളായ പ്രതിബന്ധങ്ങളെ സ്നേഹവും അതിലേറെ സഹനവും ആയുധമാക്കി അതിജീവിച്ചുകൊണ്ട് സുവിശേഷപ്രവർത്തനം നടത്തുന്ന മിഷ്ണറികളുടെ ജീവിതാനുഭവങ്ങളെ മുൻനിർത്തിയുള്ള ഈ ധ്യാന ക്ലാസ്സുകളിൽ ലോക്ഡൗൺ കാലത്ത് വീടുകളിൽ ആയിരുന്നുകൊണ്ട് "സൂം" ഓൺലൈൻ മോഡ് വഴി ലോകത്തിന്റെ വിവിധ ഭാഗങ്ങളിലുള്ള ആർക്കും പങ്കെടുക്കാം. ഇംഗ്ലീഷിലുള്ള ഈ ധ്യാനത്തിൽ പങ്കെടുക്കുന്നവർ https://afcmuk.org/ എന്ന ലിങ്കിൽ നിർബന്ധമായും രെജിസ്റ്റർ ചെയ്യേണ്ടതാണ്.
രെജിസ്ട്രേഷൻ സൗജന്യമാണ്. മെയ് 4,5,6 തിങ്കൾ, ചൊവ്വ, ബുധൻ ദിവസങ്ങളിൽ യുകെ സമയം രാവിലെ 5 മുതൽ 7.30 വരെയാണ് ശുശ്രൂഷ. ലോകത്തെ ഭയാനകമാം വിധം ബാധിക്കുന്ന മഹാ വിപത്തുകളെ ദൈവിക പദ്ധതിയോട് ചേർന്നുനിന്നുകൊണ്ട് അഭിമുഖീകരിക്കുവാനും, ദൈവഹിതത്തിന് നമ്മെത്തന്നെ വിട്ടുകൊടുത്തുകൊണ്ട് അവരവർ ആയിരിക്കുന്ന മേഖലകളിൽ സ്വയം മിഷനറിയായി തീർന്നുകൊണ്ട് നവസുവിശേഷവത്ക്കരണത്തിന്റെ ഭാഗമാവുകയെന്ന ലക്ഷ്യത്തോടെ, ലോകപ്രശസ്ത വചന ശുശ്രൂഷകൻ റവ. ഫാ. സേവ്യർ ഖാൻ വട്ടായിൽ, റവ . ഫാ. സോജി ഓലിക്കൽ എന്നിവർ ആത്മീയ നേതൃത്വം നൽകുന്ന അഭിഷേകാഗ്നി കാത്തലിക് മിനിസ്ട്രി ടീമിന്റെ ആഭിമുഖ്യത്തിൽ നടത്തപ്പെടുന്ന ഈ പ്രത്യേക ധ്യാനശുശ്രൂഷയിലേക്ക് യേശുനാമത്തിൽ ഏവരെയും ക്ഷണിക്കുന്നു .
കൂടുതൽ വിവരങ്ങൾക്ക്:-- സാജു വർഗീസ്- 07809 827074