കോട്ടപ്പുറം: ജനിക്കാനുള്ള അവകാശം നിഷേധിക്കാന്‍ നിയമത്തിനും മനുഷ്യനും അവകാശമില്ലെന്ന് കോട്ടപ്പുറം രൂപതാധ്യക്ഷന്‍ ഡോ. ജോസഫ് കാരിക്കശേരി. രൂപതയിലെ പ്രോ-ലൈഫ് വാരാചരണ പ്രവര്‍ത്തനങ്ങള്‍ ഉദ്ഘാടനം ചെയ്യുകയായിരുന്നു അദ്ദേഹം. സ്വാര്‍ത്ഥതയ്ക്കും സാമ്പത്തിക നേട്ടങ്ങള്‍ക്കുമായി ജീവന് വിലകല്പിക്കാത്ത ഈ കാലഘട്ടത്തില്‍ ജീവന്‍ സംരക്ഷിക്കുകയും പരിപോഷിപ്പിക്കുകയും ചെയ്യുന്ന പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്ന പ്രോ-ലൈഫ് സമിതിയെ ശക്തിപ്പെടുത്തേണ്ടത് അത്യന്താപേക്ഷിതമാണെന്ന് ഡോ. കാരിക്കശേരി പറഞ്ഞു.

കോട്ടപ്പുറം കത്തീഡ്രലില്‍ മൂന്നാമത്തെയും നാലാമത്തെയും കുഞ്ഞുങ്ങള്‍ക്ക് മാമ്മോദീസ നല്‍കിയാണ് പ്രോ-ലൈഫ് വാരാചരണ പ്രവര്‍ത്തനങ്ങള്‍ ഉദ്ഘാടനം ചെയ്തത്. കുടുംബ വര്‍ഷാചരണത്തിന്റെ ഭാഗമായി നാലും അതില്‍ കൂടുതലും മക്കളുള്ള കുടുംബങ്ങളുടെ സംഗമം നടത്താനും തീരുമാനിച്ചു. രൂ​പ​ത ക​ത്തീ​ഡ്ര​ൽ വി​കാ​രി ഫാ. ​അം​ബ്രോ​സ് പു​ത്ത​ൻ​വീ​ട്ടി​ൽ, രൂ​പ​ത ഫാ​മി​ലി അ​പ്പോ​സ്ത​ലേ​റ്റ് ഡ​യ​റ​ക്ട​ർ ഫാ. ​നി​മേ​ഷ് അ​ഗ​സ്റ്റി​ൻ കാ​ട്ടാ​ശേ​രി, ക​ത്തീ​ഡ്ര​ൽ അ​സി​സ്റ്റ​ന്‍റ് വി​കാ​രി ഫാ. ​വ​ർ​ഗീ​സ് കാ​ട്ടാ​ശേ​രി, ഫാ​മി​ലി അ​പ്പോ​സ്ത​ലേ​റ്റ് സെ​ക്ര​ട്ട​റി സി​സ്റ്റ​ർ കൊ​ച്ചു​ത്രേ​സ്യ എ​ന്നി​വ​ർ സ​ന്നി​ഹി​ത​രാ​യി.