India - 2024
സീറോ മലബാര് സഭാ ഗാനത്തിന്റെ ഓഡിയോ സിഡി പ്രകാശനം ചെയ്തു
സ്വന്തം ലേഖകന് 17-02-2017 - Friday
കൊച്ചി: സീറോ മലബാർ സഭാഗാനത്തിന്റെ ഓഡിയോ സിഡി മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി പ്രകാശനം ചെയ്തു. ലിറ്റർജിക്കൽ റിസർച്ച് സെന്റർ ചെയർമാൻ ബിഷപ് മാർ പോളി കണ്ണൂക്കാടനാണ് ആദ്യപ്രതി ഏറ്റുവാങ്ങിയത്. സഭയുടെ ഐക്യവും കൂട്ടായ്മയും പ്രതിഫലിപ്പിക്കുന്നതാണു സഭാഗാനമെന്നു മേജർ ആർച്ച് ബിഷപ് പറഞ്ഞു.
ലിറ്റർജിക്കൽ റിസർച്ച് സെന്ററിന്റെ നേതൃത്വത്തില് തയാറാക്കിയ സഭാഗാനത്തിന്റെ സിഡിയിൽ മേജർ ആർച്ച്ബിഷപ്പിന്റെ സമർപ്പണമൊഴി, സഭാഗാനത്തിന്റെ പൂർണ, ലളിത രൂപങ്ങൾ, കരോക്കെ എന്നിവ ഉൾപ്പെടുത്തിയിട്ടുണ്ട്. ബിഷപ് മാർ റെമിജിയൂസ് ഇഞ്ചനാനിയില്, എല്ആര്സിഎക്സിക്യൂട്ടിവ് ഡയറക്ടറും സഭാഗാനത്തിന്റെ രചയിതാവുമായ റവ. ഡോ. പീറ്റർ കണ്ണമ്പുഴ, സംഗീത സംവിധായകൻ ജോണി തുണ്ടത്തിൽ മംഗലപ്പുഴ എന്നിവർ പ്രസംഗിച്ചു.