India - 2024
പ്രതിസന്ധികളെ തരണം ചെയ്യുവാനുള്ള ഉത്തമമായ മാര്ഗ്ഗമാണ് വിശുദ്ധ കുര്ബാന: റവ. ഡോ. ജോസ് പുതിയേടത്ത്
സ്വന്തം ലേഖകന് 20-02-2017 - Monday
കൊച്ചി: ജീവിതത്തിൽ പ്രശ്നങ്ങളും പ്രതികൂല സാഹചര്യങ്ങളും ഉണ്ടാകുമ്പോള് അവയെ തരണം ചെയ്യാനുള്ള ശക്തമായ മാർഗ്ഗമാണ് വിശുദ്ധ കുര്ബാനെയെന്ന് എറണാകുളം മറൈൻഡ്രൈവ് കണ്വൻഷൻ പ്രസിഡന്റും സെന്റ് മേരീസ് കത്തീഡ്രൽ ബസിലിക്ക വികാരിയുമായ റവ.ഡോ.ജോസ് പുതിയേടത്ത്. കണ്വൻഷന്റെ നാലാം ദിവസം ദിവ്യബലി അർപ്പിച്ച് വചനസന്ദേശം നല്കുകയായിരുന്നു അദ്ദേഹം.
"മാമ്മോദീസായിൽ ആരംഭിച്ച് മരണംവരെ തുടരുന്ന പ്രയാണത്തിൽ യേശുവിനെ സ്വന്തമാക്കാൻ വിളിക്കപ്പെട്ടവരാണ് ക്രൈസ്തവര്. യേശുവിന്റെ പിന്നാലെ സ്വർഗത്തെ ലക്ഷ്യമാക്കി മുന്നേറുമ്പോൾ ജീവിതത്തിൽ പ്രശ്നങ്ങളും പ്രതികൂല സാഹചര്യങ്ങളും ഉണ്ടാകും. അവയെ തരണം ചെയ്യാൻ ഉന്നതമായ ശക്തി ആവശ്യമാണ്. ആ ശക്തി ആർജിക്കാനുള്ള മാർഗ്ഗമാണ് വിശുദ്ധ കുർബാന". അദ്ദേഹം പറഞ്ഞു.
കണ്വെന്ഷന്റെ സമാപന ദിനമായ ഇന്ന് ഫാ.ഡൊമിനിക് വാളമ്നാൽ ദിവ്യബലിക്ക് മുഖ്യകാർമികത്വം വഹിക്കും. ദിവ്യകാരുണ്യ പ്രദക്ഷിണത്തിന് ബിഷപ് മാർ ജോസ് പുത്തൻവീട്ടിൽ നേതൃത്വം നല്കും.സീറോ ബലബാർ സഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി സമാപന സന്ദേശം നല്കും.