India - 2024
എംഎസ്ടി സുവർണ ജൂബിലി ആഘോഷങ്ങൾക്ക് ആരംഭം
സ്വന്തം ലേഖകന് 21-02-2017 - Tuesday
കൊച്ചി: സെന്റ് തോമസ് മിഷനറി സൊസൈറ്റിയുടെ (എംഎസ്ടി) സുവർണ ജൂബിലിയാഘോഷങ്ങൾക്കു മൈലാപ്പൂരില് തുടക്കമായി. ജൂബിലി ആഘോഷങ്ങളോട് അനുബന്ധിച്ച് മൈലാപ്പൂരിലെ സെന്റ് തോമസ് ബസിലിക്കയിൽ പ്രത്യേക ദിവ്യബലിയര്പ്പണം നടന്നു. എംഎസ്ടി സഭയുടെ ജനറാൾ ഫാ.കുര്യൻ അമ്മനത്തുകുന്നേലിന്റെ മുഖ്യകാർമികത്വത്തിൽ അര്പ്പിച്ച ബലിയില് 50 വൈദികർ സഹകാര്മ്മികരായിരിന്നു.
മധ്യപ്രദേശിലെ ഉജ്ജൈൻ രൂപതാധ്യക്ഷനും എംഎസ്ടി സഭാംഗവുമായ മാർ സെബാസ്റ്റ്യൻ വടക്കേൽ സന്നിഹിതനായിരുന്നു. നാളെ വൈകുന്നേരം 5.30ന് നടക്കുന്ന സുവർണജൂബിലി ഉദ്ഘാടനചടങ്ങിൽ സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി ജൂബിലിദീപം തെളിക്കും.
ഒരു വർഷം നീണ്ടുനിൽക്കുന്ന ജൂബിലിയാഘോഷങ്ങളുടെ ക്രമീകരണത്തിനായി നിരവധി കമ്മിറ്റികൾ രൂപീകരിച്ചു പ്രവർത്തനം നടന്നുകൊണ്ടിരിക്കുകയാണെന്നു ജൂബിലിയാഘോഷങ്ങളുടെ കോ-ഓർഡിനേറ്ററായ ഫാ. ജോസ് അയ്യങ്കനാൽ അറിയിച്ചു.