പുല്ലുവഴി: ദൈവദാസി സിസ്റ്റർ റാണി മരിയയുടെ ജീവിതം അരങ്ങിലെത്തുന്നു. സിസ്റ്റർ റാണി മരിയയുടെ ചരമവാർഷികദിനമായ ഇന്നു വൈകുന്നേരം 5.30നു പുല്ലുവഴി സെന്റ് തോമസ് പള്ളിയിൽ അനുസ്മരണ ദിവ്യബലിയെ തുടർന്നു ‘സിസ്റ്റർ റാണി മരിയ വിമോചനത്തിന്റെ വിശുദ്ധനക്ഷത്രം’ എന്ന പേരില് പ്രത്യേക നാടകാവതരണം നടക്കും.
ബിഷപ് മാർ സെബാസ്റ്റ്യൻ എടയന്ത്രത്ത് ഉദ്ഘാടനം ചെയ്യും. ആലീസ് മാത്യുവാണു സിസ്റ്റർ റാണി മരിയയായി അഭിനയിക്കുന്നത്. ദൈവദാസി സിസ്റ്റർ റാണി മരിയയുടെ ജീവിതം ആധാരമാക്കിയുള്ള ആദ്യത്തെ കലാരൂപമാണ് ഈ നാടകം. എറണാകുളം-അങ്കമാലി അതിരൂപതയുടെ മാധ്യമ വിഭാഗമായ പിൽഗ്രിംസ് കമ്യൂണിക്കേഷനാണു ഒന്നര മണിക്കൂർ ദൈർഘ്യമുള്ള നാടകം അരങ്ങിലെത്തിക്കുന്നത്.