കൊച്ചി: മദ്യനയ അട്ടിമറി നീക്കത്തിന് തടയിടാന് കെ.സി.ബി.സി. മദ്യവിരുദ്ധ സമിതി സംസ്ഥാന കമ്മറ്റി ബിഷപ് റെമജിയൂസ് ഇഞ്ചനാനിയുടെ നേതൃത്വത്തില് ഏകദിന ഉപവാസം ഇന്ന് നടക്കും. പാലാരിവട്ടം പിഒസിയിലാണ് ഉപവാസ സമരം നടക്കുക. 31 രൂപതകളിൽനിന്നുള്ള അഞ്ഞൂറോളം മദ്യവിരുദ്ധ പ്രവർത്തകരും കേരള മദ്യവിരുദ്ധ ഏകോപന സമിതി ഭാരവാഹികളും ഉപവാസ സമരത്തിൽ പങ്കാളികളാകും.
ബിഷപ് ജോഷ്വാ മാർ ഇഗ്നാത്തിയോസ്, ബിഷപ് ഡോ. ജോസഫ് കാരിക്കാശേരി, ബിഷപ് മാർ തോമസ് ചക്യത്ത്, കേരള മദ്യവിരുദ്ധ ഏകോപനസമിതി സംസ്ഥാന ചെയർമാൻ ജസ്റ്റീസ് പി.കെ. ഷംസുദ്ദീൻ, കെസിബിസി ഡപ്യൂട്ടി സെക്രട്ടറി റവ. ഡോ. വർഗീസ് വള്ളിക്കാട്ട്, മദ്യവിരുദ്ധസമിതി ഭാരവാഹികളായ ഫാ. ജേക്കബ് വെള്ളമരുതുങ്കൽ, ചാർളി പോൾ, പ്രസാദ് കുരുവിള, ഫാ. പോൾ കാരാച്ചിറ, ആന്റണി ജേക്കബ് ചാവറ, സിസ്റ്റർ ആനീസ് തോട്ടപ്പിള്ളി, യോഹന്നാൻ ആന്റണി, രാജു വല്യാറ, ഫാ. ജോർജ് നേരേവീട്ടിൽ, ഫാ. സെബാസ്റ്റ്യൻ വട്ടപ്പറന്പിൽ, ഫാ.ആന്റണി അറയ്ക്കൽ, തങ്കച്ചൻ വെളിയിൽ, തോമസ്കുട്ടി മണക്കുന്നേൽ, ജോസ് ചെമ്പിശേരി, തങ്കച്ചൻ കൊല്ലക്കൊമ്പിൽ, ബനഡിക്ട് ക്രിസോസ്റ്റം, ഷിബു കാച്ചപ്പിള്ളി, വൈ. രാജു, രാജൻ ഉറുമ്പിൽ തുടങ്ങിയവർ പ്രസംഗിക്കും.