India - 2024
പാപത്തിന്റെ സ്വാധീനമുള്ള ഇക്കാലത്ത് വിശുദ്ധിയില് ജീവിക്കുവാന് ദൈവമാതാവ് ആഹ്വാനം ചെയ്യുന്നു: മാര് ജോസ് പുത്തന്വീട്ടില്
സ്വന്തം ലേഖകന് 03-04-2017 - Monday
ചേർത്തല: പാപത്തിന്റെ വലിയ സ്വാധീനമുള്ള ഇക്കാലഘട്ടത്തിൽ വിശുദ്ധിയിൽ ജീവിക്കുവാനാണ് മാതാവ് ആഹ്വാനം ചെയ്യുന്നതെന്ന് എറണാകുളം- അങ്കമാലി അതിരൂപത സഹായമെത്രാൻ മാർ ജോസ് പുത്തൻവീട്ടിൽ. ലോക സിഎൽസി ദിനത്തോടനുബന്ധിച്ചുള്ള സംസ്ഥാനതല ആഘോഷം ചേർത്തല ലിസ്യൂനഗർ ചെറുപുഷ്പ ദേവാലയത്തിൽ ഉദ്ഘാടനം ചെയ്യുകയായിരുന്നു അദ്ദേഹം.
"ഈ കാലഘട്ടത്തിൽ വിശുദ്ധി കാത്തുസൂക്ഷിക്കാൻ വളരെയേറെ ബുദ്ധിമുട്ടാണെന്നും അതുകൊണ്ടാണ് ചെറുപ്പത്തിൽ നമ്മൾ സമ്പാദിക്കുന്ന വിശുദ്ധിക്കു വലിയ വിലയുണ്ടാകുമെന്നു പുണ്യവാന്മാർ പറയുന്നത്. ഈശോ പറയുന്നതു ചെയ്തുകഴിഞ്ഞാൽ ജീവിതത്തിൽ വിജയമുണ്ടാകുമെന്ന് മാതാവ് നമ്മെ ഓർമിപ്പിക്കുയാണ്. പാപത്തിന്റെ വലിയ സ്വാധീനമുള്ള ഇക്കാലഘട്ടത്തിൽ വിശുദ്ധിയിൽ ജീവിക്കുവാനാണ് മാതാവ് ആഹ്വാനം ചെയ്യുന്നത്". മാർ ജോസ് പുത്തൻവീട്ടിൽ പറഞ്ഞു.
സിസ്റ്റർ എലൈസ് ഏബ്രഹാം ബൈബിൾ പാരായണം നടത്തി. അതിരൂപത സിഎൽസി പ്രമോട്ടർ ഫാ. തോമസ് മഴുവഞ്ചേരി ആമുഖപ്രഭാഷണം നടത്തി. സിഎൽസി സംസ്ഥാന പ്രസിഡന്റ് ജെയ്സണ് സെബാസ്റ്റ്യൻ അധ്യക്ഷനായി. സംസ്ഥാന പ്രമോട്ടർ ഫാ. ജിയോ തെക്കിനിയത്ത് സിഎൽസി ദിനസന്ദേശം നൽകി.
ആഘോഷങ്ങൾക്കു മുന്നോടിയായി കൊല്ലത്തുനിന്നു മാതാവിന്റെ തിരുസ്വരൂപവും അങ്കമാലിയിൽനിന്നു ദീപശിഖയും പള്ളിപ്പുറം പള്ളിയിൽനിന്നു പതാകയും തങ്കി പള്ളിയിൽനിന്നു ബൈബിളും ഉച്ചയോടെ ചേർത്തല മുട്ടം സെന്റ് മേരീസ് ഫൊറോന പള്ളിയിലെത്തിച്ചേർന്നു.
ചേർത്തല ഫൊറോന ഡയറക്ടർ റവ.ഡോ.പോൾ വി. മാടൻ മുഖ്യപ്രഭാഷണം നടത്തി. ഫാ. ജോണ്സണ് കൂവേലി, ഫാ. ജോർജ് പുന്നയ്ക്കൽ, ഫാ. ജെയ്സണ് വിഴിക്കപ്പാറ, ജോസഫ് കൈമാപറന്പിൽ, വർക്കി പുന്നയ്ക്കൽ, ജസ്റ്റിൻ സ്റ്റീഫൻ, തങ്കച്ചൻ പള്ളേകാട്ട്, ഷോബി കെ പോൾ, റീത്തദാസ്, ഷൈജോപറന്പി, സിനോബി ജോയി, അനിൽ പാലത്തിങ്കൽ ജോണ് മാത്യു എന്നിവർ പ്രസംഗിച്ചു.