കോട്ടയം: നവജീവൻ ട്രസ്റ്റിന്റെ 26-ാം വാർഷികാഘോഷങ്ങൾക്കു നാളെ ആർപ്പൂക്കര നവജീവൻ അങ്കണത്തിൽ തുടക്കമാകും. രാവിലെ ഒൻപതിന് കാരിസ്ഭവൻ ടീമിന്റെ നേതൃത്വത്തിൽ വിശുദ്ധ കുർബാനയെത്തുടർന്ന് കാഞ്ഞിരപ്പള്ളി രൂപത സഹായമെത്രാൻ മാർ ജോസ് പുളിക്കൽ വചനസന്ദേശം നൽകും. നവജീവൻ മാനേജിംഗ് ട്രസ്റ്റി പി.യു.തോമസ് ആമുഖസന്ദേശവും സാബു അങ്കമാലി വചനസന്ദേശവും നല്കും. ഫാ.മാത്യു കല്ലുകളം ആരാധനയ്ക്ക് മുഖ്യകാർമികത്വം വഹിക്കും.
ലിറ്റിൽ ലൂർദ് ഹോസ്പിറ്റലിലെ സിസ്റ്റർ ഡോ. മേരി മാർസലസ് എസ്വിഎം 'ഗർഭസ്ഥ ശിശുവും ലോക നന്മയും' എന്ന വിഷയത്തെക്കുറിച്ചു ക്ലാസ് നയിക്കും. കോട്ടയം മെഡിക്കൽകോളജ് കിഡ്നി വിഭാഗം മേധാവി ഡോ.കെ.പി.ജയകുമാർ 'കിഡ്നി രോഗവും ചികിത്സയും' എന്ന വിഷയത്തെക്കുറിച്ചും ക്ലാസ്സ് നടത്തും. നവജീവൻ മക്കളുടെ കലാപരിപാടികളും സ്നേഹവിരുന്നും ഉണ്ടാകും.