കൊച്ചി: കപ്പൂച്ചിന് സഭയുടെ ആലുവ ആസ്ഥാനമായുള്ള സെന്റ് തോമസ് പ്രോവിന്സിന്റെ മിനിസ്റ്റര് പ്രോവിന്ഷ്യാളായി ഫാ. പോളി മാടശേരിയെ തിരഞ്ഞെടുത്തു.
റോമില് നിന്നെത്തിയ, ആഗോള കപ്പൂച്ചിന് സഭയുടെ മിനിസ്റ്റര് ജനറല് ഫാ. മൗരൊ യോരിയുടെ അദ്ധ്യക്ഷതയില് ആലുവയില് ചേര്ന്ന യോഗത്തിലാണ് തിരഞ്ഞെടുപ്പ് നടന്നത്.
അസിസ്റ്റന്റ് മിനിസ്റ്റര് പ്രോവിന്ഷ്യലായി ഫാ. ജോയ് മേനാച്ചേരിയേയും കൗണ്സില് അംഗങ്ങളായി ഫാ. ഡേവിസ് വിതയത്തിൽ, ഫാ. ജെയ്സണ് വടക്കൻ, ഫാ. ലിജോയ് ചിരിയങ്കണ്ടത്ത് എന്നിവരെയും തിരഞ്ഞെടുത്തിട്ടുണ്ട്.