India - 2024
ഫാ. ടോമിന്റെ മോചനത്തിനായി ഉഴുന്നാലില് കുടുംബം ഗവര്ണ്ണര്ക്ക് നിവേദനം നല്കും
സ്വന്തം ലേഖകന് 23-05-2017 - Tuesday
കോട്ടയം: യെമനില് ഭീകരര് തട്ടികൊണ്ടുപോയ ഫാ. ടോം ഉഴുന്നാലിലിനെ മോചിപ്പിക്കാൻ സർക്കാർതല ഇടപെടൽ അഭ്യർഥിച്ച് ഉഴുന്നാലിൽ കുടുംബയോഗത്തിന്റെ ഭാരവാഹികൾ ഗവർണർ പി. സദാശിവത്തെ സന്ദർശിച്ചു നിവേദനം നൽകും. പ്രധാനമന്ത്രി, ആഭ്യന്തരമന്ത്രി ഉൾപ്പെടെയുള്ളവർക്കു മുൻപു നൽകിയ നിവേദനങ്ങളിൽ കാര്യമായ നടപടി ഉണ്ടാകാത്ത സാഹചര്യത്തിലാണു കുടുംബാംഗങ്ങൾ രാജ്ഭവനിലെത്തി ഗവർണറെ കാണാൻ തീരുമാനിച്ചിരിക്കുന്നത്.
അജ്ഞാത കേന്ദ്രത്തിൽ ബന്ധിയാക്കപ്പെട്ടിരിക്കുന്ന ഫാ.ടോം, തന്നെ മോചിപ്പിക്കാൻ ആവുന്നവിധം ഇടപെടണമെന്നു യാചിക്കുന്ന വീഡിയോ ദൃശ്യങ്ങൾ അടുത്തയിടെ പുറത്തുവന്നിരുന്നു. വീഡിയോയില് ആരോഗ്യം ക്ഷയിച്ചു അവശതയിലാണ് വൈദികന് കാണപ്പെടുന്നത്. ഈ സാഹചര്യത്തിലാണു ഗവർണറെ സന്ദർശിച്ച് അടിയന്തര ഇടപെടൽ ഉണ്ടാവണമെന്ന് ഉഴുന്നാലില് കുടുംബം അഭ്യർഥിക്കുന്നത്. അടുത്തയാഴ്ചയാണ് നിവേദനം നല്കുക.