India - 2024
വിശുദ്ധ അല്ഫോന്സാമ്മയുടെ ജീവിതവും മിനിസ്ക്രീനിലേക്ക്
സ്വന്തം ലേഖകന് 05-06-2017 - Monday
കോട്ടയം: ശാന്തിഗിരി ആശ്രമം ഓര്ഗനൈസിംഗ് സെക്രട്ടറി സ്വാമി ഗുരുരത്നം ജ്ഞാന തപസ്വി ഏഷ്യാനെറ്റ് ചാനലില് അവതരിപ്പിക്കുന്ന 'സ്നേഹത്തിന്റെ പാഥേയം' എന്ന പരിപാടിയിലേക്ക് വിശുദ്ധ അല്ഫോൻസാമ്മയുടെ ജീവിതം പരമ്പരയായി എത്തുന്നു. ചാനലില് തിങ്കള് മുതല് വെള്ളിയാഴ്ച വരെ രാവിലെ 6 .45 നാണ് പരിപാടി സംപ്രേഷണം ചെയ്യുന്നത്. പരമ്പരയുടെ സ്വിച്ച് ഓണ് കര്മം ഭരണങ്ങാനത്ത് വിശുദ്ധ അല്ഫോൻസാമ്മ തീര്ഥാടന കേന്ദ്രത്തിൽ റെക്ടര് ഫാ. മാത്യു ചന്ദ്രന്കുന്നേല് നിര്വഹിച്ചു.
ഫാ. ജയിംസ് മുല്ലശേരി സി.എം.ഐ, നിര്മല ജിമ്മി, എപ്പിസോഡ് ഡയറക്ടര് അജി.കെ.ജോസ്, ശാന്തിഗിരി ആശ്രമം ജില്ലാ കോ ഓര്ഡിനേറ്റര് അഖില്, കുഞ്ഞ് കളപ്പുര, ആര്പ്പൂക്കര തങ്കച്ചന്, പൂജ.ഡി.ആനന്ദ്, അനുമോള് എം.പി, വിപിന് അജോ, എന്നിവര് പങ്കെടുത്തു. നേരത്തെ ഇതേ പരിപാടിയില് വിശുദ്ധ ചാവറയച്ചന്റെ ജീവിതവും സംപ്രേക്ഷണം ചെയ്തിരിന്നു.