India - 2024
ഐഓസി സമരം: നടപടി വേദനാജനകമെന്ന് ആര്ച്ച് ബിഷപ്പ് ജോസഫ് കളത്തിപറമ്പില്
സ്വന്തം ലേഖകന് 19-06-2017 - Monday
കൊച്ചി: പുതുവൈപ്പിൽ ഐഒസി എൽപിജി പ്ലാന്റിനെതിരേ നടത്തിവരുന്ന സമരത്തെ പോലീസിനെ ഉപയോഗിച്ച് അടിച്ചമർത്താൻ ശ്രമിച്ച നടപടിയെ അപലപിച്ചു വരാപ്പുഴ ആർച്ച്ബിഷപ് ഡോ. ജോസഫ് കളത്തിപ്പറമ്പിൽ. നടപടി വേദനാജനകമാണെന്ന് ആർച്ച്ബിഷപ് പറഞ്ഞു.
സമാധാനപരമായും നിയമപരമായും കാര്യങ്ങളെ നേരിടേണ്ടതിനു പകരം ഏവരെയും ഏറെ വേദനിപ്പിക്കുംവിധമുണ്ടായ ഈ അക്രമസംഭവങ്ങൾ ഇനി ആവർത്തിക്കപ്പെടരുത്. മനുഷ്യത്വരഹിതമായ നടപടികൾ ശാശ്വതപരിഹാരമല്ലെന്നും സ്ത്രീകളെയും കുട്ടികളെയും അവരുടെ അവസ്ഥകൾ പോലും പരിഗണിക്കാതെ അറസ്റ്റ് ചെയ്ത നടപടികൾ മാറിയേ മതിയാവൂവെന്നും ആർച്ച്ബിഷപ് കൂട്ടിച്ചേർത്തു.