India - 2024
വിശുദ്ധ അല്ഫോന്സാമ്മയുടെ തിരുനാള് ഇന്ന്: ഭരണങ്ങാനത്തേക്ക് വിശ്വാസികളുടെ പ്രവാഹം
സ്വന്തം ലേഖകന് 28-07-2017 - Friday
ഭരണങ്ങാനം: ഭാരതത്തിന്റെ പ്രഥമ വിശുദ്ധയായ വിശുദ്ധ അല്ഫോന്സാമ്മയുടെ തിരുനാള് വിവിധ സ്ഥലങ്ങളില് നടക്കും. വിശുദ്ധയെ അടക്കം ചെയ്ത ഭരണങ്ങാനത്തേക്ക് ആയിരങ്ങളാണ് എത്തികൊണ്ടിരിക്കുന്നത്. അൽഫോൻസാമ്മ പുണ്യസുകൃതങ്ങൾ അർപ്പിച്ച ക്ലാരമഠവും വ്രതവാഗ്ദാനം നടത്തിയ സെന്റ് മേരീസ് ഫൊറോന പള്ളിയും ഭൗതികശരീരം അടക്കംചെയ്ത ചാപ്പലും അവിടേക്കുള്ള വഴികളും വിശ്വാസികളാൽ നിറയും. രാവിലെ 10ന് ബിഷപ് മാർ ജോസഫ് കല്ലറങ്ങാട്ട് തിരുനാൾ റാസ അർപ്പിച്ച് സന്ദേശം നൽകും. ഫാ. സെബാസ്റ്റ്യൻ കൊല്ലംപറന്പിൽ, ഫാ.ജോർജ് അന്പഴത്തുങ്കൽ എന്നിവർ സഹകാർമികരായിരിക്കും.
12ന് തിരുനാൾ ജപമാല പ്രദക്ഷിണം. 2.30നു നടക്കുന്ന വിശുദ്ധ കുർബാനക്കു ഫാ. ഏബ്രഹാം വെട്ടുവയലിലും 3.30നു നടക്കുന്ന വിശുദ്ധ കുർബാനക്കു മോണ്. ജോസഫ് കൊല്ലംപറന്പിലും 4.30നു നടക്കുന്ന വിശുദ്ധ കുർബാനക്കു മോണ്. ഏബ്രഹാം കൊല്ലിത്താനത്തുമലയിലും 5.30നു നടക്കുന്ന വിശുദ്ധ കുർബാനക്കു മോണ്. ജോസഫ് കുഴിഞ്ഞാലിലും കാര്മ്മികത്വം വഹിക്കും. അൽഫോൻസാമ്മയുടെ വിശുദ്ധ ജീവിതത്തിനു സാക്ഷ്യം വഹിച്ച ഭരണങ്ങാനം ക്ലാരമഠത്തിലേക്കു നടന്ന ഇന്നലെ ജപമാല മെഴുകുതിരി പ്രദക്ഷിണത്തിൽ ആയിരങ്ങളാണ് പങ്കെടുത്തത്.