India - 2024
പാറശ്ശാല രൂപത: ദൈവത്തിന്റെ കാരുണ്യത്തിന് നന്ദി പറയുന്നതായി കര്ദ്ദിനാള് ക്ലീമിസ്
സ്വന്തം ലേഖകന് 06-08-2017 - Sunday
തിരുവനന്തപുരം: പാറശ്ശാല കേന്ദ്രമായി പുതിയ രൂപതാ അനുവദിച്ചതില് സന്തോഷം പ്രകടിപ്പിച്ച് സീറോ മലങ്കര സഭ മേജർ ആർച്ച് ബിഷപ് കർദ്ദിനാൾ മാർ ബസേലിയോസ് ക്ലീമിസ് കാതോലിക്കാ ബാവ. ദൈവത്തിന്റെ വലിയ കരുണ്യത്തിനു നന്ദി പറയുകയും റോമിലെ പരിശുദ്ധ സിംഹാസനത്തോടു മലങ്കര കത്തോലിക്കാ സഭയ്ക്കുള്ള ആദരവും വിധേയത്വവും പ്രഖ്യാപിക്കുകയും ചെയ്യുന്നുവെന്ന് അദ്ദേഹം പറഞ്ഞു.
റോമിലെ പരിശുദ്ധ പിതാക്കന്മാർ നമ്മെ സംരക്ഷിക്കുകയും ഉയർത്തുകയും എപ്പോഴും സഭയുടെ പ്രേഷിത പ്രവർത്തനങ്ങളെ ബലപ്പെടുത്തുകയും ചെയ്തിട്ടുണ്ട്. ഈ അനുഗ്രഹീത നിമിഷത്തിൽ ദൈവദാസൻ മാർ ഈവാനിയോസ് സ്വപ്നം കണ്ട മലങ്കര സഭയെന്ന അപ്പസ്തോലിക സഭ വളരുന്നത് നമുക്കു കാണാനാകും. മാർ ഈവാനിയോസ് ദൈവസ്നേഹത്തിന്റെ അന്തസത്ത ഏറ്റവും എളിയവരിൽ കാണുകയും അംഗീകരിക്കുകയും ചേർന്നുനിന്നു പ്രാർത്ഥിക്കുകയും ചെയ്തതിന്റെ പരിണത ഫലമാണു പരിശുദ്ധ തിരുസഭ അംഗീകരിച്ചു നൽകിയ പുതിയ ഭദ്രാസനത്തിന്റെ പ്രഖ്യാപനം. കര്ദ്ദിനാള് പറഞ്ഞു.