News
ഈജിപ്തിലെ കത്തീഡ്രൽ ദേവാലയം: ആശംസകളറിയിച്ച് ഫ്രാൻസിസ് മാർപാപ്പയും
സ്വന്തം ലേഖകന് 09-01-2019 - Wednesday
വത്തിക്കാൻ സിറ്റി: പശ്ചിമേഷ്യയിലെ ഏറ്റവും വലിയ കത്തീഡ്രൽ ദേവാലയം ഈജിപ്തിലെ കെയ്റോയിൽ തുറന്നതിന് ആശംസകളറിയിച്ചു ഫ്രാൻസിസ് പാപ്പ. വീഡിയോയിലൂടെയാണ് ഫ്രാൻസിസ് മാർപാപ്പ തന്റെ സന്ദേശം കൈമാറിയത്. സന്ദേശത്തിന്റെ തുടക്കത്തിൽ കോപ്റ്റിക് സഭാവിശ്വാസികൾക്ക് പാപ്പ ക്രിസ്തുമസ് പുതുവത്സര ആശംസകൾ നേർന്നു.
സമാധാനത്തിന്റെ രാജകുമാരനായ ഈശോ ഈജിപ്തിലും, പശ്ചിമേഷ്യയിലും, ലോകം മുഴുവനിലും സമാധാനം കൊണ്ടുവരട്ടെ എന്ന് പാപ്പ പ്രാർത്ഥിച്ചു. കൊടിയ പീഡനങ്ങളിലൂടെ കടന്നു പോകുന്ന കോപ്റ്റിക് സഭയെ വിശ്വാസത്തിന്റെ സാക്ഷികൾ എന്നാണ് ഫ്രാൻസിസ് മാർപാപ്പ വിശേഷിപ്പിച്ചത്. അവരുടെ ജീവിത മാതൃകയ്ക്ക് നന്ദി അർപ്പിക്കുന്നതായും പാപ്പ പറഞ്ഞു.