കൊച്ചി: കേരളത്തെ കലാപകലുഷിതമാക്കുന്ന സമരങ്ങളിൽ നിന്നും പ്രതിരോധങ്ങളിൽ നിന്നും രാഷ്ട്രീയ പാർട്ടികൾ പിന്മാറണമെന്ന് കെആർഎൽസിസി ആവശ്യപ്പെട്ടു. ന്യായമായവിധം രാഷ്ട്രീയ ആവശ്യങ്ങൾ ഉയർത്താനും അവ ചർച്ച ചെയ്യാനും രാഷ്ട്രീ യ പാർട്ടികൾക്ക് അവകാശമുണ്ട്. അവയോട് സഹിഷ്ണുതയോടെ പ്രതികരിക്കാൻ മറുപക്ഷത്തിനു കഴിയുന്നതാണ് ജനാധിപത്യം. അവിടെ അധികാരത്തിന്റെ ധാർഷ്ട്യവും സംഘശക്തിയുടെ അപകടകര മായ പ്രകടനവും ആശാസ്യമല്ല. അണികളെ പ്രകോപിപ്പിക്കുകയല്ല നേതൃത്വത്തിന്റെ ദൗത്യം; അവരെ ശാന്തരാക്കുക. യാണ്. നേതാക്കൾ സംയമനം പാലിക്കണം. രാഷ്ട്രീയത്തെ ജനങ്ങൾ വെറുത്തു പോകുന്ന അവസ്ഥയിലേക്ക് കാര്യങ്ങൾ എത്തിക്കരുതെന്ന് എല്ലാ കക്ഷികളും തിരിച്ചറിയണമെന്നും കെആർഎൽസിസി വൈസ് പ്രസിഡന്റ് ജോസഫ് ജൂഡ്, ജനറൽ സെക്രട്ട റി ഫാ. തോമസ് തറയിൽ എന്നിവർ ആവശ്യപ്പെട്ടു.