അനേകരുടെ ജീവിതങ്ങളില്‍ വലിയ അത്ഭുതങ്ങളും അടയാളങ്ങളും സമ്മാനിച്ച അഭിഷേകാഗ്നി രണ്ടാം ശനിയാഴ്ച്ച ബൈബിൾ കൺവെൻഷൻ മെയ് 10നു ബർമിങ്ഹാം ബെഥേൽ സെന്‍ററിൽ വീണ്ടും നടക്കും. പതിനായിരങ്ങളെ സത്യ വിശ്വാസത്തിലേക്ക് നയിച്ച പ്രമുഖ വചനപ്രഘോഷകനായ സെഹിയോന്‍ മിനിസ്ട്രീസ് സ്ഥാപക ഡയറക്ടര്‍ ഫാ. സേവ്യര്‍ഖാന്‍ വട്ടായിലും ഫാ. ഷൈജു നടുവത്താനിയിലും ശുശ്രൂഷകൾക്ക് നേതൃത്വം നൽകും. ജപമാല, വി. കുർബാന, വചന പ്രഘോഷണം, ദിവ്യകാരുണ്യ ആരാധന എന്നിവ കണ്‍വെന്‍ഷന്റെ ഭാഗമായി നടക്കും.

സെഹിയോൻ മിനിസ്ട്രിയുടെ നേതൃത്വത്തിൽ ലോക സുവിശേഷവത്ക്കരണം ലക്ഷ്യമാക്കി യുകെയിൽ നിന്നും ഫ. സോജി ഓലിയ്ക്കലിന്റെ നേതൃത്വത്തിൽ ആരംഭിച്ച വിവിധങ്ങളായ ശുശ്രൂഷകൾക്ക് അടിസ്ഥാനമായി നിലനിൽക്കുന്ന പ്രതിമാസ രണ്ടാം ശനിയാഴ്ച്ച ബൈബിൾ കൺവെൻഷനും അനുബന്ധ ശുശ്രൂഷകളും യൂറോപ്പിലെ ക്രിസ്തീയ വിശ്വാസത്തിന്റെ പുനരുദ്ധാരണത്തിന് സഭയ്‌ക്ക്‌ താങ്ങായി നിലകൊള്ളുകയാണ്. രാവിലെ എട്ടു മുതല്‍ വൈകീട്ട് 4 വരെയാണ് കണ്‍വെന്‍ഷന്‍. വിവിധ പ്രദേശങ്ങളിൽനിന്നും കോച്ചുകളും മറ്റ്‌ വാഹനങ്ങളും വിശ്വാസികളുമായി കൺവെൻഷനിലേക്ക് എത്തിച്ചേരും.

യുകെയിൽ എത്തിച്ചേർന്നിട്ടുള്ള പുതിയ കുടുംബങ്ങൾക്ക് സെക്കൻഡ് സാറ്റർഡേ ശുശ്രൂഷകളെ പരിചയപ്പെടുത്തി കുടുംബങ്ങൾക്കും കുട്ടികൾക്കും വേണ്ടിയുള്ള ഈ അനുഗ്രഹീത സുവിശേഷവേലയിൽ പങ്കാളികളാകുവാനും വിവിധ നിയോഗങ്ങളുമായി പ്രാര്‍ത്ഥനയോടെ കാത്തിരിക്കുന്നവര്‍ക്കു യേശുനാമത്തിൽ രക്ഷ പ്രാപിക്കുന്നതിനും അനോയിറ്റിംഗ് ഫയര്‍ കാത്തലിക് മിനിസ്ട്രി ഈ കൺവെൻഷനിലേക്ക് സ്വാഗതം ചെയ്യുന്നു.

> വിശദ വിവരങ്ങള്‍ക്ക്: +44 7414 747573.

> +44 7878 149670, +44 7809 827074

> അഡ്രസ്സ്;

Bethel Convention Centre

Kelvin Way

West Bromwich

Birmingham

B707JW.

⧪ പ്രവാചകശബ്‌ദത്തെ സഹായിക്കാമോ? ‍