വത്തിക്കാൻ സിറ്റി: തുർക്കിയിലും സിറിയയിലും ഇന്നലെയുണ്ടായ ശക്തമായ ഭൂകമ്പങ്ങളിൽ ഫ്രാന്‍സിസ് പാപ്പ ദുഃഖം രേഖപ്പെടുത്തി. രണ്ടായിരത്തിലധികം പേരുടെ ജീവനെടുത്ത ദുരന്തത്തിന് ഇരകളായവരോട് ഫ്രാൻസിസ് മാർപാപ്പ തന്റെ ആത്മീയ അടുപ്പവും ഐക്യദാർഢ്യവും പ്രകടിപ്പിച്ചു. ഇന്നലെ ഫെബ്രുവരി 6 പുലർച്ചെ തെക്കൻ തുർക്കിയിൽ അയൽരാജ്യമായ സിറിയയിലെ വലിയ പ്രദേശങ്ങളിലും നാശം വിതച്ച ഭൂകമ്പത്തിന് യു.എസ്. ജിയോളജിക്കൽ സർവേ പ്രകാരം 7.8 തീവ്രതയാണ് രേഖപ്പെടുത്തിയിരിക്കുന്നത്. 3700-ലധികം ആളുകൾ കൊല്ലപ്പെട്ടതായും നൂറുകണക്കിന് ആളുകൾ തകർന്ന കെട്ടിടങ്ങളുടെ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായുമായാണ് വാര്‍ത്ത ഏജന്‍സിയായ അസോസിയേറ്റഡ് പ്രസിന്റെ റിപ്പോര്‍ട്ട്.

സിറിയയിൽ മരിച്ചവരിൽ ഒരു കത്തോലിക്ക വൈദികനുമുണ്ടെന്ന് സന്നദ്ധ സംഘടനയായ എയിഡ് ടു ദ ചർച്ച് ഇൻ നീഡ് അറിയിച്ചു. ആലപ്പോയിലെ വിരമിച്ച മെൽകൈറ്റ് ആർച്ച് ബിഷപ്പ് ജീൻ ക്ലെമന്റ് ജീൻബാർട്ടിന്റെ വസതി തകർന്നു വീണാണ് ഫാ. ഇമാദ് ദാഹർ എന്നുപേരുള്ള വൈദികന്‍ മരിച്ചതെന്ന് സംഘടന റിപ്പോര്‍ട്ടില്‍ പറയുന്നു. ദുരന്തം മൂലമുണ്ടായ വലിയ ജീവഹാനിയെക്കുറിച്ച് അറിഞ്ഞപ്പോൾ ഫ്രാൻസിസ് മാർപാപ്പ അഗാധമായ ദുഃഖം രേഖപ്പെടുത്തിയെന്നും വിലാപ നഷ്ടങ്ങളിൽ തന്റെ ഹൃദയത്തിൽ അനുശോചനം അര്‍പ്പിച്ചുവെന്നും വത്തിക്കാൻ സ്റ്റേറ്റ് സെക്രട്ടറി കർദ്ദിനാൾ പിയട്രോ പരോളിൻ തുര്‍ക്കിയിലെയും സിറിയയിലെയും വത്തിക്കാൻ സ്ഥാനപതിമാർക്ക് കൈമാറിയ ടെലിഗ്രാം സന്ദേശത്തില്‍ പറയുന്നു.

സേനാംഗങ്ങൾ നടത്തുന്ന പരിക്കേറ്റവരുടെ പരിചരണത്തിലും തുടർന്നുവരുന്ന ദുരിതാശ്വാസ പ്രവർത്തനങ്ങളിലും ദൈവികമായ ദൃഢതയുടെയും സ്ഥിരോത്സാഹത്തിന്റെയും ദാനങ്ങളാൽ നിലനിൽക്കട്ടെയെന്നു പാപ്പ പ്രാർത്ഥിച്ചു. 1939-ൽ ഉണ്ടായ ഭൂകമ്പത്തിനു ശേഷം രാജ്യത്തെ ബാധിച്ച ഏറ്റവും വലിയ ദുരന്തമാണിതെന്ന് തുര്‍ക്കി പ്രസിഡന്‍റ് ഏര്‍ദ്ദോഗന്‍ പറഞ്ഞു. അന്നു 7.8 തീവ്രത രേഖപ്പെടുത്തിയ ഭൂകമ്പത്തിൽ 32,000-ത്തിലധികം ആളുകൾ കൊല്ലപ്പെടുകയും 100,000-ത്തിലധികം പേർക്ക് പരിക്കേൽക്കുകയും ചെയ്തിരിന്നു. അതേസമയം ഇന്നലെയുണ്ടായ ഭൂകമ്പത്തില്‍ മരണസംഖ്യ ഇനിയും ഉയരാനാണ് സാധ്യത.

Tag: Pope Francis malayalam, Pope Francis prayers for over thousand killed by earthquakes in Turkey and Syria, Catholic Malayalam News, Pravachaka Sabdam Christian Malayalam News Portal, Pravachaka Sabdam, പ്രവാചകശബ്ദം

പ്രവാചക ശബ്ദത്തിൽ പ്രസിദ്ധീകരിക്കുന്ന വാർത്തകളും ലേഖനങ്ങളും വീഡിയോകളും പ്രവാചകശബ്ദത്തിന്റെ മൊബൈൽ ആപ്പിലൂടെ നിങ്ങൾക്ക് നേരിട്ട് ലഭിക്കും. ‍

☛ ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍
☛ ഐ‌ഓ‌എസ് വേര്‍ഷനിലുള്ള ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍

പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക