മാഞ്ചസ്റ്റര്‍: പെന്തക്കൂസ്താ തിരുന്നാളിന് ഒരുങ്ങുന്ന ഈ കാലയളവില്‍ പരിശുദ്ധാത്മാവിനാല്‍ നിറയുന്നതിനും ദൈവത്തിന്റെ കരുണയും സ്‌നേഹവും അനുഭവിച്ചറിയുന്നതിനുമായി പ്രത്യേക പ്രാര്‍ത്ഥനാ സന്ധ്യാ ക്രമീകരിക്കുന്നു. വിഥിന്‍ഷോയിലെ സെന്റ് ആന്റണീസ് ദേവാലയത്തിലാണ് ഹോളിസ്പിരിറ്റ് ഈവനിംഗ് ക്രമീകരിച്ചിരിക്കുന്നത്. മെയ് 6 ന് ഉച്ച കഴിഞ്ഞ് 3 മണിക്ക് ശുശ്രൂഷകള്‍ ആരംഭിക്കും.

മൂന്നു മണി മുതല്‍ ഏഴ് മണി വരെയുള്ള പ്രത്യേക ശുശ്രൂഷകള്‍ക്ക് സെഹിയോന്‍ യുകെ ഡയറക്ടര്‍ ഫാ: സോജി ഓലിക്കലും ടീം അംഗങ്ങളും നേതൃത്വം നല്‍കും. വി. കുര്‍ബാന, വചന സന്ദേശം, ദിവ്യകാരുണ്യ ആരാധന, സൗഖ്യ ശുശ്രൂഷ എന്നിവ ഹോളി സ്പിരിറ്റ് ഈവനിംഗില്‍ ഉള്‍ക്കൊള്ളുന്നു. ശുശ്രൂഷകളില്‍ സംബന്ധിച്ച് ദൈവാനുഗ്രഹം പ്രാപിക്കുന്നതിന് ഏവരെയും ക്ഷണിക്കുന്നു.

ദേവാലയത്തിന്റെ വിലാസം:

St.Anthony's Church.

Dunkery Road.

Manchester, M22 0WR.

കൂടുതല്‍ വിവരങ്ങള്‍ക്ക് ബന്ധപ്പെടുക:

രാജു ചെറിയാന്‍ - 07443630066,

ദീപു ജോര്‍ജ് - 07882810575