വത്തിക്കാന്‍ സിറ്റി: ലക്സംബർഗിലെ ഭരണാധിപൻ ഗ്വെയിലും അഞ്ചാമനും പ്രഭ്വി സ്റ്റെഫാനിയും വത്തിക്കാനിലെ അപ്പസ്തോലിക കൊട്ടാരത്തിലെത്തി ലെയോ പാപ്പയെ സന്ദര്‍ശിച്ചു. ജനുവരി ഇരുപത്തിമൂന്നാം തീയതിയാണ് രാജാവും രാജ്ഞിയും അവരുടെ കുട്ടികളെയും ലെയോ പതിനാലാമൻ സ്വീകരിച്ചു. രാജകുടുംബാംഗങ്ങൾ സ്റ്റേറ്റ് സെക്രട്ടേറിയറ്റിൽവച്ച് വത്തിക്കാൻ സ്റ്റേറ്റ് സെക്രട്ടറി കർദ്ദിനാൾ പിയട്രോ പരോളിൻ, സംസ്ഥാനങ്ങളുമായും അന്താരാഷ്ട്ര സംഘടനകളുമായും ഉള്ള ബന്ധങ്ങളുടെ സെക്രട്ടറി മോൺസിഞ്ഞോർ പോൾ റിച്ചാർഡ് ഗല്ലാഘർ എന്നിവരുമായി കൂടിക്കാഴ്ചകൾ നടത്തി.

നിലവിലുള്ള നല്ല ഉഭയകക്ഷി ബന്ധങ്ങളെക്കുറിച്ചും, സഭയും ഭരണകൂടവും തമ്മിലുള്ള ബന്ധത്തെക്കുറിച്ചും ചർച്ചയിൽ സംസാര വിഷയമായി. സാമൂഹിക ഐക്യം, യുവജനങ്ങളുടെ വിദ്യാഭ്യാസം, മനുഷ്യ ജീവന്റെ അന്തസ്സ് സംരക്ഷിക്കൽ തുടങ്ങിയ പരസ്പര താൽപ്പര്യമുള്ള വിഷയങ്ങളും ചർച്ചയിൽ പരാമർശിക്കപ്പെട്ടുവെന്നു പരിശുദ്ധ സിംഹാസനത്തിന്റെ പ്രസ് ഓഫീസിൽ നിന്നുള്ള പ്രസ്താവനയിൽ പറയുന്നു. യൂറോപ്യൻ സാഹചര്യത്തിന് പ്രത്യേക ശ്രദ്ധ നൽകിക്കൊണ്ട്, നിലവിലെ അന്താരാഷ്ട്ര കാര്യങ്ങളുമായി ബന്ധപ്പെട്ട വിഷയങ്ങളിലും ചർച്ചകൾ നടന്നു.