Christian Prayer - February 2024
വി. കുരിശിന്റെ പ്രാര്‍ത്ഥന
സ്വന്തം ലേഖകന്‍ 15-02-2022 - Tuesday
ഓ! ആരാധ്യനായ ദൈവമേ, രക്ഷകനായ യേശുക്രിസ്തുവേ, അങ്ങ് ഞങ്ങളുടെ പാപങ്ങള്‍ക്ക്‌വേണ്ടി കുരിശില്‍ മരിച്ചുവല്ലോ. വിശുദ്ധ കുരിശേ! എന്റെ സത്യപ്രകാശമായിരിക്കേണമേ. ഓ! വിശുദ്ധ കുരിശേ! എന്റെ ആത്മാവിനെ സത്ചിന്തകള്‍കൊണ്ട് നിറയേ്ക്കണമേ. ഓ! വി.കുരിശേ! എല്ല തിന്മകളില്‍ നിന്നും എന്നെ മോചിപ്പിക്കേണമേ. ഓ! വി.കുരിശേ എല്ലാ അപകടങ്ങളില്‍ നിന്നും പെട്ടെന്നുള്ള മരണത്തില്‍ നിന്നും എന്നെ രക്ഷിക്കേണമേ. എനിക്ക് നിത്യജീവന്‍ നല്‍കേണമേ. ഓ! ക്രൂശിതനായ നസ്രയേല്‍ക്കാരന്‍ യേശു ക്രിസ്തുവേ! ഇപ്പോഴും എപ്പോഴും എന്റെമേല്‍ കരുണയുണ്ടാകേണമേ.
നിത്യജീവിതത്തിലേക്ക് നയിക്കുന്ന നമ്മുടെ കര്‍ത്താവീശോമിശിഹായുടെ തിരുരക്തത്തിന്റെയും, മരണത്തിന്റെയും, ഉയിര്‍പ്പിന്റെയും, സ്വര്‍ഗ്ഗാരോഹണത്തിന്റെയും പൂജിത ബഹുമാനത്തിനായി യേശു, ക്രിസ്മസ് ദിവസം ജനിച്ചുവെന്നും ദുഃഖവെള്ളിയാഴ്ച അവിടുന്ന് കുരിശില്‍ തൂങ്ങി മരിച്ചുവെന്നും നിക്കദെമോസും യൗസേപ്പും കര്‍ത്താവിന്റെ തിരുശരീരം കുരിശില്‍നിന്നിറക്കി സംസ്കരിച്ചുവെന്നും അവിടുന്ന് സ്വര്‍ഗ്ഗാരോഹിതനായി എന്നും ഞങ്ങള്‍ വിശ്വസിക്കുന്നു.
കാണപ്പെടുന്നതും കാണപ്പെടാത്തതുമായ എല്ലാ ശത്രുക്കളില്‍ നിന്നും എന്നെ സംരക്ഷിക്കേണമേ. കര്‍ത്താവായ യേശുവേ, എന്നില്‍ കനിയേണമേ. പരി. അമ്മേ, വി. യൗസേപ്പിതാവേ, എനിക്കുവേണ്ടി പ്രാര്‍ത്ഥിക്കേണമേ. ഭയം കൂടാതെ കുരിശു വഹിക്കുവാനുള്ള ശക്തി അങ്ങയുടെ കുരിശിന്റെ സഹനത്തിലൂടെ എനിക്ക് നല്‍കേണമേ. അങ്ങയേ അനുഗമിക്കാനുള്ള കൃപാവരം എനിക്ക് നല്‍കേണമേ. ആമേന്‍.
(എഡി.803 ല്‍ യേശുക്രിസ്തുവിന്റെ ശവകുടീരത്തില്‍ നിന്ന് ലഭിച്ച ഈ പ്രാര്‍ത്ഥന ചാള്‍സ് രാജാവ് യുദ്ധത്തിന് പോകുന്ന അവസരത്തില്‍ അദ്ദേഹത്തിന്റെ സുരക്ഷിതത്വത്തിനും രക്ഷയ്ക്കും വേണ്ടി പരി. പിതാവ് നല്‍കിയതാണ്)
