India
സ്വന്തം ലേഖകന് 29-10-2018 - Monday
നെയ്യാറ്റിന്കര: കത്തോലിക്കാസഭ പല പ്രതിസന്ധികളെയും അതിജീവിച്ചത് ജപമാലയിലൂടെയാണെന്ന് നെയ്യാറ്റിന്കര ബിഷപ്പ് ഡോ.വിന്സെന്റ് സാമുവല്. നെയ്യാറ്റിന്കര രൂപതായില് ലീജിയന് ഓഫ് മേരി നെയ്യാറ്റിന്കര കമ്മിസിയം സംഘടിപ്പിച്ച ജപമാല പദയാത്ര നെയ്യാറ്റിന്കര അമലോത്ഭവമാതാ കത്തിഡ്രലില് ഉദ്ഘാടനം ചെയ്തു സംസാരിക്കുകയായിരിന്നു ബിഷപ്പ്. നൂറ്റാണ്ടുകളുടെ പഴക്കമുളള ജപമാല പ്രാര്ത്ഥന, ആത്മീയതയുടെ വറ്റാത്ത ഉറവയാണെന്നും എല്ലാ ദിവസവും കുട്ടികളും യുവാക്കളും ജപമാല പ്രാര്ത്ഥന പതിവാക്കണമെന്നും ബിഷപ്പ് പറഞ്ഞു.
ലീജിയന് ഓഫ് മേരി നെയ്യാറ്റിന്കര കമ്മിസിയം പ്രസിഡന്റ് ഷാജിബോസ്കോ അധ്യക്ഷത വഹിച്ച പരിപാടിയില് രൂപതാ ശുശ്രൂഷാ കോ ഓഡിനേറ്റര് മോണ്.വി.പി ജോസ്, അല്മ്മായ കമ്മിഷന് ഡയറക്ടര് എസ്. എം. അനില്കുമാര് തുടങ്ങിയവര് പ്രസംഗിച്ചു. തുടര്ന്ന്, ജപമാല പദയാത്രയിലെ മാതാവിന്റെ തിരുസ്വരൂപം ബിഷപ്പ് ആശീര്വദിച്ചു. നെയ്യാറ്റിന്കര അമലോത്ഭവമാതാ കത്തീഡ്രലില് നിന്നും ഉദയന്കുളങ്ങര സെന്റ് മേരീസ് ദേവാലയത്തിലേക്ക് നടന്ന ജപമാല പദയാത്രയില് നൂറുകണക്കിന് വിശ്വാസികളും വൈദികരും സന്യസ്തരും പങ്കെടുത്തു.
ദുഃഖവെള്ളിയാഴ്ച മുതല് പുതുഞായറാഴ്ച വരെയാണ് ദൈവകാരുണ്യത്തിന്റെ നൊവേന ആചരിക്കേണ്ടത്. ഈ അനുഗ്രഹ...
വത്തിക്കാന് സിറ്റി: യേശു ക്രിസ്തുവിന്റെ ഉത്ഥാനത്തിന്റെ സ്മരണയില് ലോകം ഇന്നു ഈസ്റ്റര്...
കൊച്ചി: ഉത്ഥാനംവഴി, മരണം അവസാനമല്ലെന്നും ദൈവവുമായുള്ള നിത്യമായ ഐക്യത്തിലേക്കുള്ള വാതിലാണെന്നും...
കൊച്ചി: കുരിശിലെ ത്യാഗബലിയ്ക്ക് ശേഷം യേശുവിന്റെ പുനരുത്ഥാനത്തിന്റെ സ്മരണ പുതുക്കി ആഗോള ക്രൈസ്തവ...
റോം: ഇന്നലെ ദുഃഖ വെള്ളി ദിനത്തിൽ റോമിലെ കൊളോസിയത്തിൽ രാത്രിയില് നടന്ന കുരിശിന്റെ വഴി...
കുരിശിലെ മൂന്നു മണിക്കൂർ പീഡാസഹനത്തിനൊടുവിൽ ഈശോ ജീവൻ വെടിഞ്ഞു. ഈശോ കുരിശിൽ മരിക്കുമ്പോൾ ...
