ലെബനീസ് സിവിൽ സ്ഥാപനങ്ങളിൽ ക്രൈസ്തവ മാതൃക നല്കുന്ന ജഡ്ജ് ജീൻ ഫഹദ് തന്റെ സുവിശേഷ അനുഭവവും പങ്കുവെച്ചു. മാമ്മോദീസ സ്വീകരിച്ച ഏവരും പരിശുദ്ധാത്മാവിന്റെ അഭിഷേകത്താൽ ധീരമായി സാക്ഷ്യം നല്കണം. അനുദിന ജീവിതത്തിലൂടെ വിശ്വാസത്തിന് സാക്ഷ്യം വഹിക്കാൻ വിളിക്കപ്പെട്ടവരാണ് ക്രൈസ്തവർ. വിശ്വാസം, ദൈവവചനം, സഭയിലെ പങ്കാളിത്തം എന്നിവയെക്കുറിച്ച് സംസാരിക്കാൻ അവസരം കണ്ടെത്തണം. പൊതു നന്മയ്ക്കായി ക്രൈസ്തവ- മുസ്ലിം സഹോദരങ്ങൾ പരസ്പരം സഹകരിച്ച് ജീവിക്കാനാകുമെന്നും അദ്ദേഹം പങ്കുവെച്ചു.
മാർച്ച് 25ന് ലെബനീസ് ഭരണകൂടത്തിന്റെ ആസ്ഥാനമായ ബെയ്റൂട്ട് ഗ്രാൻറ് സെറെയിൽ മംഗളവാർത്ത തിരുന്നാളിന്റെ ഔദ്യോഗിക ആഘോഷങ്ങൾ സംഘടിപ്പിച്ചിരിന്നു. അതിനു പുറമേ, രാജ്യത്തെ വിവിധ ഭാഗങ്ങളിലുള്ള ദേവാലയങ്ങളിലും ക്രൈസ്തവ -മുസ്ലിം സമൂഹത്തിന്റെ ആഭിമുഖ്യത്തിൽ തിരുന്നാൾ ആചരിച്ചു.
