News - 2024
ഭരണകൂടത്തിന്റെ നിര്‍ദ്ദേശം: യു‌എ‌ഇയിലെ ആരാധനാലയങ്ങള്‍ അടച്ചിടും
സ്വന്തം ലേഖകന്‍ 17-03-2020 - Tuesday
ദുബായ്: കൊറോണ വൈറസ് പടരുന്നത് തടയുവാന്‍ യുഎഇ ഭരണകൂടം കര്‍ശന നിര്‍ദ്ദേശം നല്കിയ പശ്ചാത്തലത്തില്‍ തെക്കന്‍ അറേബ്യന്‍ വികാരിയാത്തിന്റെ കീഴിലുള്ള ദേവാലയങ്ങളിലെ വിശുദ്ധ കുര്‍ബാനയര്‍പ്പണം ഉള്‍പ്പെടെയുള്ള ഭക്തകര്‍മങ്ങള്‍ താത്കാലികമായി നിര്‍ത്തിവെക്കും. സാമൂഹ്യ, സാംസ്‌കാരിക മേഖലയില്‍ വാര്‍ഷികങ്ങള്‍, ആഘോഷങ്ങള്‍, തെരഞ്ഞെടുപ്പ്, സമ്മേളനങ്ങള്‍, കൂട്ടായ്മകള്‍ തുടങ്ങി ജനങ്ങള്‍ കൂട്ടംകൂടുന്ന എല്ലാ പരിപാടികളും മാറ്റിവയ്ക്കുവാന്‍ ഭരണകൂടം മന്ത്രാലയം നിര്‍ദ്ദേശം നല്കിയ പശ്ചാത്തലത്തിലാണ് പുതിയ തീരുമാനം. എന്നാല്‍, അതത് ഇടവകയുടെ വികാരി ബലിയര്‍പ്പിക്കുന്നതിന്റെ തത്സമയ ഓണ്‍ലൈന്‍ സംപ്രേഷണം ഒരുക്കും. എല്ലാ മതവിഭാഗങ്ങളുടെയും ആരാധനാലയങ്ങള്‍ അടുത്ത നാലാഴ്ചത്തേക്ക് അടച്ചിടുവാന്‍ രാത്രി സര്‍ക്കാര്‍ നിര്‍ദേശം നല്കി.
