പ്രമുഖ വചനപ്രഘോഷകൻ ബ്രദർ റെജി കൊട്ടാരം, ക്രിസ്ത്യൻ ഭക്തിഗാനരചയിതാവും സംഗീത സംവിധായകനുമായ പീറ്റർ ചേരാനെല്ലൂർ എന്നിവരും ശുശ്രൂഷകളിൽ സംബന്ധിക്കുന്നുണ്ട്. വൈകിട്ട് 7നു ജപമാലയോടെ തുടങ്ങുന്ന ധ്യാനം രാത്രി 9:30നുള്ള ദിവ്യകാരുണ്യ ആരാധനയോടെ പൂര്‍ത്തിയാകും. ഫെബ്രുവരി 24 നു ധ്യാനം സമാപിക്കും.
ഖത്തറിലെ മലയാളം കമ്മ്യൂണിറ്റിക്കായി ആത്മീയ ഗുരു ബഹുമാനപ്പെട്ട ജോയി അച്ചന്‍ പ്രാര്‍ത്ഥനാപൂര്‍വ്വം ഒരുക്കിയ ഈ സ്വര്‍ഗീയ വിരുന്ന് അനേകരെ നിക്കദേമൊസ്സിനു യേശു വിവരിച്ചു കൊടുത്ത രണ്ടാമത്തെ ജനനത്തിലേക്കും, സെഹിയോനില്‍ ശിഷ്യരനുഭവിച്ചറിഞ്ഞ പെന്തക്കുസ്താനുഭവത്തിലേക്കും നയിക്കുമെന്നതില്‍ സംശയമില്ല. ഇതിന് മുന്‍പും നിരവധി ആത്മീയ ശുശ്രൂഷകളിലൂടെ വിശ്വാസികള്‍ക്ക് പുതിയൊരു അനുഭവം നല്കാന്‍ ഖത്തറിലെ റോസറി ചര്‍ച്ചിന് കഴിഞ്ഞിട്ടുണ്ട്.
