കാലിഫോര്‍ണിയ: ഉൽപ്പത്തി മുതൽ വെളിപാട് വരെ ബൈബിൾ വായന പൂർത്തിയാക്കിയ സന്തോഷം ട്വിറ്ററില്‍ പങ്കുവെച്ച് പ്രമുഖ എൻഎഫ്എൽ താരം കിർക്ക് കസിൻസ്. തന്റെ സ്വകാര്യ ബൈബിളിന്റെ ചിത്രത്തോടൊപ്പമായിരിന്നു അദ്ദേഹത്തിന്റെ ട്വീറ്റ്. "രണ്ടു വർഷമെടുത്തു, എങ്കിലും ബൈബിൾ മുഴുവൻ വായിച്ചു തീർത്തു. നിങ്ങളോടും ഞാനിത് നിർദ്ദേശിക്കുന്നു" എന്നതായിരുന്നു അദ്ദേഹത്തിന്റെ ട്വീറ്റ്. ഇതിനോടകം 93000 ലൈക്കുകളും, നാലായിരത്തി അറുനൂറിലധികം റീട്വീറ്റുകളും പോസ്റ്റിന് ലഭിച്ചിട്ടുണ്ട്.

നാഷ്ണൽ ഫുട്ബോൾ ലീഗിൽ മിനസോട്ട വൈക്കിംഗ്സ് താരമാണ് കിർക്ക് കസിൻസ്. തന്റെ വിശ്വാസം തനിക്ക് പ്രധാനപ്പെട്ടതാണെന്നും അതാണ് തന്റെ ജീവിതത്തിന്റെ അടിസ്ഥാനമെന്നും ക്രൈസ്തവ വിശ്വാസത്തിൽ നിന്നാണ് താൻ ശക്തി സ്വീകരിക്കുന്നതെന്നും, ഈ സീസൺ തുടങ്ങുന്നതിനു മുന്‍പ് നടന്ന ഒരു അഭിമുഖത്തിൽ അദ്ദേഹം പറഞ്ഞിരുന്നു. സാമൂഹ്യ മാധ്യമങ്ങളിലൂടെയും, പൊതുവേദികളിലും ക്രൈസ്തവവിശ്വാസത്തിന് സാക്ഷ്യം നൽകുന്ന കായികതാരങ്ങൾ അമേരിക്കയിൽ നിരവധിയാണ്. പൊതുവേദികളിൽ വച്ച് ലഭ്യമാകുന്ന അവസരങ്ങളിലെല്ലാം ക്രൈസ്തവ വിശ്വാസം പരസ്യമായി പ്രഘോഷിക്കുന്ന വ്യക്തിയാണ് കസിന്‍സ്.

ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക