വാഷിംഗ്ടണ്‍ ഡി‌.സി: ക്രൈസ്തവ വിരുദ്ധ പീഡനങ്ങളുടെ മധ്യത്തിലും തിരുസഭ ജീവിതത്തിന്റെ പരമ പ്രധാനമായ ആരാധനയായ വിശുദ്ധ കുര്‍ബാനയില്‍ പങ്കെടുക്കുന്ന കത്തോലിക്കരുടെ എണ്ണം ഏറ്റവും കൂടുതല്‍ ക്രൈസ്തവ നൈജീരിയയില്‍. 1980-കളില്‍ സ്ഥാപിതമായ 'ദി വേള്‍ഡ് വാല്യു സര്‍വ്വേ' (ഡബ്യു.വി.എസ്) കത്തോലിക്കര്‍ കൂടുതലായുള്ള 36 രാജ്യങ്ങളില്‍ നിന്നും ശേഖരിച്ച വിവരങ്ങളില്‍ നിന്നുമാണ് ആഴ്ചയില്‍ ഒരിക്കലോ അതില്‍ കൂടുതലോ വിശുദ്ധ കുര്‍ബാനകളില്‍ പങ്കെടുക്കുന്നവര്‍ ഏറ്റവും കൂടുതല്‍ നൈജീരിയയിലാണെന്ന് (94%) വ്യക്തമായത്. കടുത്ത മതപീഡനത്തിനു ഇടയിലും നൈജീരിയന്‍ കത്തോലിക്കരുടെ വിശ്വാസം തകര്‍ക്കുവാന്‍ കഴിഞ്ഞിട്ടില്ലെന്നാണ് ഇത് വ്യക്തമാക്കുന്നത്. 73% വുമായി കെനിയയാണ് തൊട്ടുപിന്നില്‍. 69% വുമായി ലെബനന്‍ മൂന്നാം സ്ഥാനത്തുണ്ട്.

കത്തോലിക്ക ജനസംഖ്യയില്‍ പകുതിയോ അതിന് മുകളിലോ ആഴ്ചതോറും വിശുദ്ധ കുര്‍ബാനയില്‍ പങ്കെടുക്കുന്ന രാഷ്ട്രങ്ങളില്‍ 56%വുമായി ഫിലിപ്പീന്‍സ് ആണ് ഏറ്റവും മുന്നില്‍. 54% വുമായി കൊളംബിയ രണ്ടാമതും, 52% വുമായി പോളണ്ട് മൂന്നാം സ്ഥാനത്തും അതിന് പിന്നില്‍ 50% വുമായി ഇക്വഡോറുമാണ് മറ്റ് സ്ഥാനങ്ങളിലുള്ള രാജ്യങ്ങള്‍. കത്തോലിക്കാ ജനസംഖ്യയുടെ പകുതിക്ക് താഴേയും മൂന്നിലൊന്നിന് മുകളിലുമായി വിശുദ്ധ കുര്‍ബാനയില്‍ പങ്കെടുക്കുന്ന രാഷ്ട്രങ്ങളില്‍ ഏറ്റവും മുന്നില്‍ നില്‍ക്കുന്നത് ബോസ്നിയ & ഹെര്‍സെഗോവിനയാണ് (48%), തൊട്ടുപിന്നില്‍ മെക്സിക്കോ (47%), നിക്കരാഗ്വേ (45%), ബൊളീവിയ (42%), സ്ലോവാക്യ (40%), ഇറ്റലി (38%), പെറു (33%) എന്നിങ്ങനെയാണ് മറ്റ് രാജ്യങ്ങളിലെ കണക്കുകള്‍.

പത്തുപേരെ കണക്കില്‍ എടുക്കുമ്പോള്‍ അതില്‍ മൂന്നോ, നാലോ പേര്‍ ആഴ്ചതോറും വിശുദ്ധ കുര്‍ബാനയില്‍ പങ്കെടുക്കുന്ന രാഷ്ട്രങ്ങളുടെ കണക്ക് നോക്കുമ്പോള്‍: വെനിസ്വേല (30%), അല്‍ബേനിയ (29%), സ്പെയിന്‍ (27%), ക്രൊയേഷ്യ (27%), ന്യൂസിലാന്‍ഡ് (25%), യു.കെ (25%) ഇങ്ങനെയാണ് പട്ടിക നീളുന്നത്. ‘കാരാ’ (സി.എ.ആര്‍.എ)യുടെ സര്‍വ്വേ പ്രകാരം അമേരിക്കന്‍ കത്തോലിക്കരില്‍ ആഴ്ചതോറുമോ അതിലധികമോ വിശുദ്ധ കുര്‍ബാനയില്‍ പങ്കെടുക്കുന്നവരുടെ എണ്ണം 24% മായിരുന്നു (കൊറോണ പകര്‍ച്ച വ്യാധിക്ക് മുന്‍പ്). എന്നാല്‍ കഴിഞ്ഞ വേനലില്‍ പുറത്തുവന്ന സര്‍വ്വേഫലം അനുസരിച്ച് പ്രായപൂര്‍ത്തിയായ അമേരിക്കക്കാരില്‍ ഏഴു ശതമാനത്തിന്റെ ഇടിവ് സംഭവിച്ചിട്ടുണ്ട്.

ഹംഗറി (24%), സ്ലോവേനിയ (24%), ഉറുഗ്വേ (23%), ഓസ്ട്രേലിയ (21%), അര്‍ജന്റീന (21%), പോര്‍ച്ചുഗല്‍ (20%), ചെക്ക് റിപ്പബ്ലിക്ക് (20%), ഓസ്ട്രിയ (17%) എന്നിങ്ങനെയാണ് മറ്റ് രാജ്യങ്ങളിലെ കണക്കുകള്‍. ലിത്വാനിയ (16%), ജര്‍മ്മനി (14%), കാനഡ (14%), ലാത്വിയ (11%), സ്വിറ്റ്സര്‍ലന്‍ഡ് (11%), ബ്രസീല്‍ (8%), ഫ്രാന്‍സ് (8%), നെതര്‍ലന്‍ഡ്‌സ്‌ (7%) എന്നീ രാജ്യങ്ങളിലാണ് ഞായറാഴ്ച കുര്‍ബാനകളില്‍ മുടങ്ങാതെ പങ്കെടുക്കുന്നവരുടെ എണ്ണം ഏറ്റവും കുറവ്.

പ്രവാചക ശബ്ദത്തിൽ പ്രസിദ്ധീകരിക്കുന്ന വാർത്തകളും ലേഖനങ്ങളും വീഡിയോകളും പ്രവാചകശബ്ദത്തിന്റെ മൊബൈൽ ആപ്പിലൂടെ നിങ്ങൾക്ക് നേരിട്ട് ലഭിക്കും. ‍

☛ ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍
☛ ഐ‌ഓ‌എസ് വേര്‍ഷനിലുള്ള ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍

പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക