Arts
ക്രൈസ്തവ കൂട്ടക്കുരുതിയുടെ ഓര്‍മ്മയില്‍ ‘കന്ധമാല്‍ ഹ്യൂമന്‍ റൈറ്റ്സ് അവാര്‍ഡ്സ് 2022’ സമ്മാനിച്ചു
പ്രവാചകശബ്ദം 27-03-2023 - Monday
ഭൂവനേശ്വര്‍: മനുഷ്യാവകാശം, ജനാധിപത്യം, മതേതരത്വം എന്നിവയുടെ സംരക്ഷണത്തിനായി നടത്തുന്ന പ്രവര്‍ത്തനങ്ങളുടെ പേരില്‍ വ്യക്തികള്‍ക്കും സംഘടനകള്‍ക്കും “നാഷണല്‍ സോളിഡാരിറ്റി ഫോറം” വര്‍ഷംതോറും നല്‍കിവരാറുള്ള ‘കന്ധമാല്‍ ഹ്യൂമന്‍ റൈറ്റ്സ് അവാര്‍ഡ്സ് 2022’ സമ്മാനിച്ചു. 2008-ല്‍ നടന്ന കന്ധമാല്‍ ക്രൈസ്തവ വിരുദ്ധ വര്‍ഗ്ഗീയ കലാപത്തെ അതിജീവിച്ചവര്‍ക്ക് വേണ്ടി നിലകൊള്ളുന്ന കന്ധമാല്‍ സര്‍വൈവേഴ്സ് അസോസിയേഷന്‍, ജനകീയ പ്രസ്ഥാനങ്ങളും, സംഘടനകളും ഉള്‍കൊള്ളുന്ന നാഷണല്‍ അലയന്‍സ് പീപ്പിള്‍ മൂവ്മെന്റ്സ്’, ആദിവാസികളുടെ ഉന്നമനത്തിനായി ശ്രമിക്കുന്ന വനവാസി ചേതനാ ആശ്രമത്തിന്റെ സ്ഥാപകനും, ഗാന്ധിയനുമായ ഹിമാന്‍ഷു കുമാറും അവാര്‍ഡിന് അര്‍ഹമായി. ഒഡീഷയുടെ തലസ്ഥാനമായ ഭൂവനേശ്വറില്‍വെച്ച് ഇക്കഴിഞ്ഞ മാര്‍ച്ച് 23-നാണ് അവാര്‍ഡുകള്‍ കൈമാറിയത്.
മുംബൈയിലെ മനുഷ്യാവകാശ അഭിഭാഷകനും, സമാധാന പ്രവര്‍ത്തകനുമായ ഷക്കീല്‍ അഹമദാണ് വ്യക്തിഗത വിഭാഗത്തില്‍ അവാര്‍ഡ് കരസ്ഥമാക്കിയത്. 25,000 രൂപയും, പ്രശസ്തിപത്രവും ഉള്‍കൊള്ളുന്നതാണ് വ്യക്തിഗത അവാര്‍ഡ്. മനുഷ്യാവകാശം, പൗര സ്വാതന്ത്ര്യം, വികസനം, സൗഹാര്‍ദ്ദം, സമാധാന പുനഃസ്ഥാപനം തുടങ്ങിയവക്കായി നടത്തുന്ന ശ്രമങ്ങള്‍ക്കുള്ള അംഗീകാരമാണ് സര്‍ക്കാരേതര സംഘടനകള്‍ക്ക് നല്‍കുന്ന അവാര്‍ഡ്. 2008 ഓഗസ്റ്റ്-സെപ്റ്റംബറില്‍ ഒഡീഷയിലെ കന്ധമാലിലും, മറ്റ് ജില്ലകളിലും ക്രൈസ്തവര്‍ക്ക് നേരെ നടന്ന വര്‍ഗ്ഗീയ കലാപങ്ങള്‍ക്ക് ഇരയായവരെയും, കലാപങ്ങളെ അതിജീവിച്ചവരെയും മനുഷ്യാവകാശത്തിന് വേണ്ടി നിലകൊള്ളുന്നവരെയും ആദരിക്കുന്നതിനായി ഏര്‍പ്പെടുത്തിയ അവാര്‍ഡാണ് ‘കന്ധമാല്‍ ഹ്യൂമന്‍ റൈറ്റ്സ് അവാര്‍ഡ്സ്.
കന്ധമാല്‍ വര്‍ഗ്ഗീയ കലാപത്തില്‍ നൂറിലധികം ക്രിസ്ത്യാനികള്‍ കൊല്ലപ്പെടുകയും, കന്യാസ്ത്രീ ഉള്‍പ്പെടെ നാല്‍പ്പതോളം സ്ത്രീകള്‍ മാനഭംഗത്തിനിരയാവുകയും, 75,000 പേര്‍ ഭവനരഹിതരാവുകയും, നൂറുകണക്കിന് ആരാധനാലയങ്ങള്‍ തകര്‍ക്കപ്പെടുകയോ കൊള്ളയടിക്കപ്പെടുകയോ ചെയ്തു. പന്ത്രണ്ടായിരത്തോളം വിദ്യാര്‍ത്ഥികളുടെ പഠനത്തേയാണ് കലാപം ബാധിച്ചത്. 56,000-ല്‍ അധികം പേര്‍ അക്രമങ്ങള്‍ ഭയന്ന് സ്വന്തം സ്ഥലത്തുനിന്നും ഓടിപോയി. 6500-ല്‍ അധികം വീടുകള്‍ അക്രമികള്‍ തകര്‍ത്തു. ക്രൈസ്തവ വിശ്വാസം ഉപേക്ഷിച്ച് ഹിന്ദുമതത്തിലേക്ക് വരണമെന്ന ആവശ്യം നിരസിച്ചവരെയാണ് അക്രമികള്‍ കൂടുതലായും ഉപദ്രവിച്ചത്.
Page 1 of 54
More Readings »
മരിച്ചവര്‍ക്കായുള്ള നമ്മുടെ പ്രാര്‍ത്ഥനയും പരിഹാരവും
“മറ്റുള്ളവരുടെ തെറ്റുകള്‍ നിങ്ങള്‍ ക്ഷമിക്കുമെങ്കില്‍ സ്വര്‍ഗസ്ഥനായ നിങ്ങളുടെ പിതാവ്...
രാഷ്ട്രീയ സ്വാര്‍ത്ഥ ലാഭം സഭയുടെ അടുത്ത് വേണ്ട; കെനിയന്‍ പ്രസിഡന്റിന്റെ സംഭാവന നിരസിച്ച് ആര്‍ച്ച് ബിഷപ്പ്
നെയ്‌റോബി: കെനിയയുടെ പ്രസിഡൻ്റ് വില്യം സമോയി റൂട്ടോ സഭയ്ക്കു വാഗ്ദാനം ചെയ്ത 5 മില്യൺ കെനിയൻ...
മാര്‍പാപ്പമാരുടെ മൃതസംസ്കാര ചടങ്ങുകൾക്കായുള്ള നവീകരിച്ച ക്രമം പ്രസിദ്ധീകരിച്ചു
വത്തിക്കാന്‍ സിറ്റി: മാര്‍പാപ്പമാരുടെ മൃതസംസ്കാര ചടങ്ങുകൾക്കായുള്ള നവീകരിച്ച പുസ്തകം...
ശുദ്ധീകരണാത്മാക്കളുടെ വണക്കമാസം: ഇരുപത്തിയൊന്നാം തീയതി
ഒരു ക്രിസ്ത്യാനി മരിച്ചാല്‍ അവന്‍റെ മൃതശരീരത്തിനു യോഗ്യമായ സംസ്ക്കാരവും ആത്മാവിനു...
വിശുദ്ധ പദവിയിലേക്ക് ആദ്യ കമ്പ്യൂട്ടർ പ്രതിഭ; കാര്‍ളോയെ ഏപ്രില്‍ അവസാന വാരത്തില്‍ വിശുദ്ധനായി പ്രഖ്യാപിക്കും
വത്തിക്കാന്‍ സിറ്റി: തിരുസഭ ചരിത്രത്തിൽ വിശുദ്ധ പദവിയിലേക്ക് പ്രവേശിക്കുന്ന ആദ്യ കമ്പ്യൂട്ടർ...
വിശുദ്ധ ഫ്രാൻസിസ് സേവ്യറിൻ്റെ തിരുശേഷിപ്പ് പരസ്യവണക്കം ഇന്ന് മുതല്‍
പനജി: വിശുദ്ധ ഫ്രാൻസിസ് സേവ്യറിൻ്റെ തിരുശേഷിപ്പ് പരസ്യവണക്കം ഇന്ന് ഓൾഡ് ഗോവയിലെ സേ കത്തീഡ്രലിൽ...
