വരാപ്പുഴ: കൂനമ്മാവ് സെന്റ് ഫിലോമിനാസ് വിശുദ്ധ ചാവറ തീർത്ഥാടന കേന്ദ്രത്തിൽ സിയോൻ കരിസ്മാറ്റിക് പ്രാർഥന കൂട്ടായ്മയുടെ 28-ാമത് കൂനമ്മാവ് മേഖലാ കൃപാഗ്നി ബൈബിൾ കൺവൻഷന് തിരി തെളിഞ്ഞു. തീർത്ഥാടന കേന്ദ്രം റെക്ടറും ഫൊറോന വികാരിയുമായ മോൺ. സെബാസ്റ്റ്യൻ ലൂയിസ് ബൈബിൾ പ്രതിഷ്ഠയ്ക്കുശേഷം തിരി തെളിയിച്ച് ഉദ്ഘാടനം നിർവഹിച്ചു. പ്രൊക്ലമേഷൻ കമ്മീഷൻ ഡയറക്ടർ ഫാ. ആന്റണി ഷൈൻ കാട്ടുപറ മ്പിൽ ദിവ്യബലിയിൽ മുഖ്യകാർമികത്വം വഹിച്ചു.

കുടുംബ വിശുദ്ധീകരണ ധ്യാനത്തിന് ഫാ. അബ്രഹാം കടിയക്കുഴിയുടെ ആത്മീയ നേതൃത്വത്തിൽ ബ്രദർ സാബു ആറുതൊട്ടിയിൽ നയിക്കും. ദിവസവും ജപമാല, ദിവ്യബലി, ദൈവവചന പ്രഘോഷണം, ആരാധന, രോഗശാന്തി ശുശ്രൂഷ. വൈകിട്ട് അഞ്ചു മുതൽ 9.30 വരെയാണ് കൺവെൻഷൻ നടക്കുന്നത്. 20 ന് സമാപിക്കും. കൺവെൻഷന് ശേഷം വിവിധ സ്ഥലങ്ങളിലേക്ക് വാഹന സൗകര്യം ഉണ്ടായിരിക്കും. കുടുംബ യൂണിറ്റ് കേന്ദ്രസമിതിയുടെ നേതൃത്വത്തിലാണ് കൃപാഗ്നി കൺവൻഷൻ നടക്കുന്നത്.