News
'സെയിന്‍റ്സ് പരേഡ്' വീണ്ടും; ഹാലോവീന് 'വിശുദ്ധിയുടെ മറുപടി'യുമായി ഫിലിപ്പീന്‍സ്
പ്രവാചകശബ്ദം 06-11-2024 - Wednesday
മനില: ഹാലോവീന് പൈശാചിക വേഷവിധാനങ്ങള്‍ക്കു മറുപടിയുമായി ഫിലിപ്പീന്‍സില്‍ വിശുദ്ധരുടെ വേഷ മാതൃക അനുകരിച്ച് നടന്ന 'സെയിന്‍റ്സ് പരേഡ്' ശ്രദ്ധേയമായി. ആളുകളെ ഭയപ്പെടുത്തുന്ന വസ്ത്രവും ഒരുക്കവുമായി പാശ്ചാത്യ രാജ്യങ്ങളില്‍ ഹാലോവീൻ ആഘോഷിച്ചപ്പോൾ, സകല വിശുദ്ധരുടെയും തിരുനാള്‍ ദിനത്തിൽ, രാജ്യത്തുടനീളമുള്ള ഇടവകകൾ പരമ്പരാഗത "സെയിൻ്റ്സ് പരേഡ്" കൂടുതല്‍ മനോഹരമായി നടത്തുവാന്‍ മുന്നിട്ടിറങ്ങുകയായിരിന്നു. ജനപ്രിയമായ ഫിലിപ്പിനോ ആഘോഷത്തിൽ കുഞ്ഞ് കുട്ടികൾ മുതൽ മുതിർന്നവർ വരെ പങ്കെടുത്തു.
ചെറുപ്പം മുതലേ കുഞ്ഞുങ്ങളെ അവരുടെ കുടുംബത്തോടൊപ്പം വിശുദ്ധരുടെ ജീവിതത്തെക്കുറിച്ച് പഠിപ്പിക്കുന്നതിനുള്ള ഒരു മാര്‍ഗമായി 'സെയിന്‍റ്സ് പരേഡ്' മാറ്റിയിരിക്കുകയാണെന്നു സേക്രട് ഹാര്‍ട് ഓഫ് ജീസസ്' വൈദികര്‍ വ്യക്തമാക്കി. രാജ്യത്തെ വിവിധ ഭാഗങ്ങളിലുള്ള ഇടവകകളിൽ വിശുദ്ധരുടെ പരേഡ് നടന്നു. ഓരോ പള്ളിയിലും, അവർ തിരഞ്ഞെടുക്കുന്ന വിശുദ്ധനെക്കുറിച്ച് ആഴത്തില്‍ പഠിക്കാനും അവരെപ്പോലെ വസ്ത്രം ധരിക്കാനും സമൂഹത്തിന് മുന്നിൽ വിശ്വാസപ്രഘോഷണമായി മാറുവാനും വിശുദ്ധൻ്റെ പ്രിയപ്പെട്ട വചനം പങ്കിടാനും ഉതകുന്ന വിധത്തിലായിരിന്നു ക്രമീകരണം.
ബുലാക്കനിലെ ബാലിവാഗ് സിറ്റി സെൻ്റ് അഗസ്റ്റിൻ ഇടവക ദേവാലയം, കലിബോ രൂപതയിലെ അക്‌ലാന്‍ ജീസസ് ഇടവക, സെന്‍റ് ആന്‍ മൈനര്‍ ബസിലിക്ക ഉള്‍പ്പെടെ രാജ്യത്തിന്റെ വിവിധ ഭാഗങ്ങളിലുള്ള നൂറുകണക്കിന് ഇടവകകള്‍ ആചരണത്തില്‍ പങ്കെടുത്തു. ലോകമെമ്പാടുമുള്ള രൂപതകളിലും ഇടവകകളിലും ആരംഭിക്കാവുന്ന ആഘോഷമാണ് വിശുദ്ധരുടെ പരേഡേന്നു പലവാനിലുള്ള ടെയ്‌റ്റേയിലെ ബിഷപ്പ് ബ്രോഡറിക് പാബില്ലോ പറഞ്ഞു.
ഇത് യഥാർത്ഥത്തിൽ കുഞ്ഞാടിൻ്റെ രക്തത്തിൽ വസ്ത്രം കഴുകിയ എല്ലാവരുടെയും ഉത്സവമാണെന്നും സകല വിശുദ്ധരുടെയും ദിനത്തിൻ്റെ പവിത്രത പുനഃസ്ഥാപിക്കുന്നതിനും വിശുദ്ധിക്കുവേണ്ടി പരിശ്രമിക്കുന്നതിന് ആളുകളെ പ്രോത്സാഹിപ്പിക്കുന്നതിനും പ്രേരണ നല്‍കുന്നതാണ് ആഘോഷമെന്ന് അദ്ദേഹം കൂട്ടിച്ചേര്‍ത്തു. ലോകത്ത് ഏറ്റവും അധികം കത്തോലിക്ക വിശ്വാസികളുള്ള രാജ്യങ്ങളില്‍ ഒന്നാണ് ഫിലിപ്പീന്‍സ്.
▛ കര്‍ത്താവിന്റെ സത്യവചനം അനേകരിലേക്ക് എത്തിക്കുവാന്‍ 'പ്രവാചകശബ്‌ദ'ത്തെ സഹായിക്കാമോ? ▟
Page 1 of 1019
More Readings »
പാക്ക് പീഡിത ക്രൈസ്തവര്‍ക്ക് വേണ്ടി സ്വരമുയര്‍ത്തുന്ന യുവതിക്ക് എ‌സിഎന്നിന്റെ ധീരത അവാര്‍ഡ്
ലാഹോര്‍/ ലണ്ടന്‍: കൊടിയ മതപീഡനത്തിനും വിവേചനത്തിനും ഇരയായി ദുരിതങ്ങളിലൂടെ കടന്നുപോകുന്ന...
മരിച്ചവര്‍ക്കായുള്ള നമ്മുടെ പ്രാര്‍ത്ഥനയും പരിഹാരവും
“മറ്റുള്ളവരുടെ തെറ്റുകള്‍ നിങ്ങള്‍ ക്ഷമിക്കുമെങ്കില്‍ സ്വര്‍ഗസ്ഥനായ നിങ്ങളുടെ പിതാവ്...
രാഷ്ട്രീയ സ്വാര്‍ത്ഥ ലാഭം സഭയുടെ അടുത്ത് വേണ്ട; കെനിയന്‍ പ്രസിഡന്റിന്റെ സംഭാവന നിരസിച്ച് ആര്‍ച്ച് ബിഷപ്പ്
നെയ്‌റോബി: കെനിയയുടെ പ്രസിഡൻ്റ് വില്യം സമോയി റൂട്ടോ സഭയ്ക്കു വാഗ്ദാനം ചെയ്ത 5 മില്യൺ കെനിയൻ...
മാര്‍പാപ്പമാരുടെ മൃതസംസ്കാര ചടങ്ങുകൾക്കായുള്ള നവീകരിച്ച ക്രമം പ്രസിദ്ധീകരിച്ചു
വത്തിക്കാന്‍ സിറ്റി: മാര്‍പാപ്പമാരുടെ മൃതസംസ്കാര ചടങ്ങുകൾക്കായുള്ള നവീകരിച്ച പുസ്തകം...
ശുദ്ധീകരണാത്മാക്കളുടെ വണക്കമാസം: ഇരുപത്തിയൊന്നാം തീയതി
ഒരു ക്രിസ്ത്യാനി മരിച്ചാല്‍ അവന്‍റെ മൃതശരീരത്തിനു യോഗ്യമായ സംസ്ക്കാരവും ആത്മാവിനു...
വിശുദ്ധ പദവിയിലേക്ക് ആദ്യ കമ്പ്യൂട്ടർ പ്രതിഭ; കാര്‍ളോയെ ഏപ്രില്‍ അവസാന വാരത്തില്‍ വിശുദ്ധനായി പ്രഖ്യാപിക്കും
വത്തിക്കാന്‍ സിറ്റി: തിരുസഭ ചരിത്രത്തിൽ വിശുദ്ധ പദവിയിലേക്ക് പ്രവേശിക്കുന്ന ആദ്യ കമ്പ്യൂട്ടർ...
