കൊ​ച്ചി: സ​മൂ​ഹ​ത്തി​ലെ ഭ​വ​ന​ര​ഹി​തരായ നാ​നാ​ജാ​തി മ​ത​സ്ഥര്‍ക്ക് സാ​ന്ത്വ​ന സ്പ​ര്‍​ശ​മാ​യി വ​രാ​പ്പു​ഴ അ​തി​രൂ​പ​ത​യു​ടെ​യും സാ​മൂ​ഹ്യ​സേ​വ​ന വി​ഭാ​ഗ​മാ​യ എ​റ​ണാ​കു​ളം സോ​ഷ്യ​ല്‍ സ​ര്‍​വീ​സ് സൊ​സൈ​റ്റി​യു​ടെ​യും (ഇ​എ​സ്എ​സ്എ​സ്) ഭ​വ​ന പ​ദ്ധ​തി​യാ​യ 'ആര്‍ച്ച് ബിഷപ്പ്സ് സ്നേഹ ഭവന പ​ദ്ധ​തി'ക്കു തുടക്കമായി. പദ്ധതിയുടെ ഉ​ദ്ഘാ​ട​നം വ​രാ​പ്പു​ഴ ആ​ര്‍​ച്ച്ബി​ഷ​പ് ഡോ.​ജോ​സ​ഫ് ക​ള​ത്തി​പ്പ​റ​മ്പി​ല്‍ നിര്‍വ്വഹിച്ചു.

ഒ​രു വീ​ട് എ​ന്ന​ത് എ​ല്ലാ​വ​രു​ടെ​യും സ്വ​പ്ന​മാ​ണെ​ന്നും അ​ത് സാ​ക്ഷാ​ത്ക​രി​ക്കു​വാ​ന്‍ സാ​ധി​ക്കാ​ത്ത ആ​ളു​ക​ള്‍ ന​മു​ക്ക് ചു​റ്റു​മു​ണ്ടെ​ന്നും ആ​ര്‍​ച്ച് ബി​ഷ​പ് പ​റ​ഞ്ഞു. സ​ന്‍​മ​ന​സു​ള്ള അ​ഭ്യു​ദ​യ​കാം​ക്ഷി​ക​ളു​ടെ സം​ഭാ​വ​ന​ക​ള്‍ സ്വി​ക​രി​ച്ചാ​ണ് ഈ ​പ​ദ്ധ​തി പൂ​ര്‍​ത്തി​ക​രി​ക്കു​ക. യോ​ഗ​ത്തി​ല്‍ സം​ഭാ​വ​ന​ക​ള്‍ ആ​ര്‍​ച്ച് ബി​ഷ​പ് ഏ​റ്റു​വാ​ങ്ങി. ച​ട​ങ്ങി​ല്‍ ഭ​വ​ന നി​ര്‍​മാ​ണ പൂ​ര്‍​ത്തീ​ക​ര​ണ​ത്തി​നാ​യി ഒ​രു വ്യ​ക്തി​ക്ക് ധ​ന​സ​ഹാ​യം നല്‍കി.

ഇ​എ​സ്എ​സ്എ​സും, കാ​രി​ത്താ​സ് ഇ​ന്ത്യ​യും സം​യു​ക്ത​മാ​യി ന​ട​പ്പി​ലാ​ക്കി വ​രു​ന്ന ആ​ശാ​കി​ര​ണം കാ​ന്‍​സ​ര്‍ സു​ര​ക്ഷ​പ​ദ്ധ​തി​യു​ടെ ഭാ​ഗ​മാ​യി നി​ര്‍​ധ​ന​രാ​യ രോ​ഗി​ക​ള്‍​ക്കാ​യു​ള​ള ചി​കി​ത്സാ ധ​ന​സ​ഹാ​യ​വും ചടങ്ങില്‍ ന​ല്‍​കി. ഇ​എ​സ്എ​സ്എ​സ് ഡ​യ​റ​ക്ട​ര്‍ ഫാ. ​ആ​ന്‍റ​ണി റാ​ഫേ​ല്‍ കൊ​മ​രം​ചാ​ത്ത്, അ​സി.​ഡ​യ​റ​ക്ട​ര്‍ ഫാ. ​ജോ​ബ് കു​ണ്ടോ​ണി, കൊ​ച്ചി​ന്‍ കോ​ര്‍​പ​റേ​ഷ​ന്‍ കൗ​ണ്‍​സി​ല​ര്‍ ഗ്രേ​സി ബാ​ബു ജേ​ക്ക​ബ്, ഇ​എ​സ്എ​സ്എ​സ് ജ​ന​റ​ല്‍ ബോ​ഡി മെ​മ്പ​ര്‍ റാ​ഫേ​ല്‍ ക​ള​ത്തി​വീ​ട്ടി​ല്‍ എ​ന്നി​വ​ര്‍ സം​സാ​രി​ച്ചു.