മാതാവിന്റെ അമലോൽഭവ തിരുന്നാളായ ഡിസംബർ 8ന് പരിശുദ്ധ പിതാവിന്റെ ആഹ്വാനമനുസരിച്ച് ഖത്തറിലെ വിശ്വാസികളും ആഗോള സഭയോട് ചേർന്ന് കരുണയുടെ വർഷത്തിന് ആഘോഷമായ തുടക്കം കുറിച്ചു. ബിഷപ്പ് കമിലോ ബല്ലിൻ ശുശ്രൂഷകൾക്ക് നേതൃത്വം നൽകി

വൈകിട്ട് 6:30ന് മാതാവിൻറെ ഗ്രോട്ടോയിൽ ജപമാലയോടെ തുടങ്ങിയ പ്രാർത്ഥനാ കൂട്ടായ്മ വത്തിക്കാൻറെ നിർദ്ദേശമനുസരിച്ചുള്ള കരുണയുടെ വർഷാരംഭ പ്രാർത്ഥന കഴിഞ്ഞ് പ്രദക്ഷിണമായി ദേവാലയത്തിന്റെ പ്രധാന കവാടത്തിലൂടെ അകത്തു പ്രവേശിച്ച് ആഘോഷമായ ദിവ്യബലിയോടെ പൂർത്തിയായി

ഇടവക വികാരി റവ. ഫാദർ സെൽവ രാജിനോടും മലയാളം കമ്മ്യൂണിറ്റി രക്ഷാധികാരി റവ. ഫാദർ ജോയ് വില്ല്യമിനോടുമൊപ്പം മറ്റെല്ലാ കമ്മ്യൂണിറ്റിയിൽ നിന്നുമുള്ള പുരോഹിതരും ക്രിസ്തുമസ്സിനൊരുക്കമായി ധ്യാനിപ്പിക്കാനും സഹായിക്കാനും വന്ന പുരോഹിതരും ചേർന്ന് ഒരുക്കിയ ദിവ്യബലി ഖത്തർ ക്രിസ്തവ കൂട്ടായ്മയെ കർത്താവിന്റെ കരുണയുടെ മഹാ സമുദ്രത്തിലേക്ക്‌ കൂട്ടിക്കൊണ്ടു പോയി എന്നതിൽ സംശയമില്ല

ദൈവത്തിന്റെ വലിയ കരുണയിലേക്ക് പ്രാർത്ഥനയോടെ പ്രവേശിക്കാനോരുങ്ങുന്ന വിശ്വാസ സമൂഹത്തോട് നാമോരോരുത്തരും നമ്മുടെ ജീവിതാന്തസ്സുകളിലും, കുടുംബങ്ങളിലും, വിശ്വാസ ജീവിതത്തിലും എവിടെ നിൽക്കുന്നു എന്ന വസ്തുത ആത്മ പരിശോധന ചെയ്യേണ്ടത് വളരെ ആവശ്യമാണെന്ന് പിതാവ് പ്രസംഗ മദ്ധ്യേ എടുത്തു പറഞ്ഞു.

ജോലി ദിവസമായിരുന്നിട്ടു കൂടി ഏതാണ്ട് മൂവായിരത്തിൽപ്പരം വിശ്വാസികൾ ഈ സ്വർഗീയ നിമിഷങ്ങൾക്ക് സാക്ഷികളാകുവാനും അതുവഴി ലഭിക്കുന്ന അളവറ്റ കൃപകൾ നേടുവാനും ഒത്തു കൂടി എന്നത് പരിശുദ്ധ പിതാവ് ആഹ്വാനം ചെയ്ത ഈ മഹത്തായ വിളിയുടെ ആവശ്യകതയും അർത്ഥവും വ്യക്തമാക്കുന്നു.

ദൈവത്തിന്റെ കാരുണ്യത്തിലേക്ക് ലോകത്തെ ക്ഷണിച്ചുകൊണ്ട്, ഫ്രാൻസിസ് മാർപാപ്പ ജൂബിലി വർഷത്തിന് ആരംഭം കുറിച്ചു

പ്രളയജലത്തിൽ ദുരിതാശ്വാസവുമായി ചെന്നൈയിൽ കത്തോലിക്കാ സഭ; നഗരം സാധാരണ ജീവിതത്തിലേക്കു മടങ്ങുന്നു.

പരിശുദ്ധ കന്യകാമറിയത്തിന്റെ അമലോദ്ഭവത്തെക്കുറിച്ചുള്ള സഭയുടെ പ്രബോധനം

നാളെ കരുണയുടെ വർഷം ആരംഭിക്കുന്നു. വത്തിക്കാനിലെ ഉത്ഘാടന ചടങ്ങിൽ പോപ്പ് ഇമേരിറ്റസ് ബെനഡിക്ട് പതിനാറാമനും പങ്കെടുക്കും

പീഢനങ്ങൾ വർദ്ധിക്കുന്തോറും സഭ കൂടുതൽ വളരുന്നു; മൂന്നു രാജ്യങ്ങളിൽ ക്രിസ്തുമതം അതിവേഗം വളരുന്ന കാഴ്ച ലോകത്തെ അമ്പരിപ്പിക്കുന്നു

മാതാവിന്റെ അമലോൽഭവ തിരുനാളിനോടനുബന്ധിച്ച് ചിലിയിലെ ലോവാസ്ക്യൂസ്സിൽ എത്തുന്നത് പത്തു ലക്ഷത്തിലധികം തീർത്ഥാടകർ

കരുണയുടെ ജൂബിലിയെ പറ്റിയുള്ള പ്രതീക്ഷകളും ലക്ഷ്യങ്ങളും പങ്കുവച്ചുകൊണ്ട് ഫ്രാൻസിസ് മാർപാപ്പ

ക്രിസ്ത്യൻ മിഷിനറികൾ സഭയ്ക്കു വേണ്ടി ആളെ പിടിക്കുന്നവരല്ല; അവർ ക്രൈസ്തവ സന്ദേശമായ സ്നേഹവും കരുണയും പ്രാവർത്തികമാക്കുന്നവരാണ് : ഫ്രാൻസിസ് മാർപ്പാപ്പ

'ക്രിസ്തുവിന്റെ സമാധാനം' ലോകത്തിനു മുൻപിൽ പ്രഘോഷിച്ചു കൊണ്ട് ബെത്ലഹേമിലെ പള്ളിമണികൾ ഒരുമിച്ച് മുഴങ്ങും

"ദിവ്യകാരുണ്യ സ്വീകരണത്തിന്റെ വിഷയത്തിൽ പരിഹരിക്കാനാവാത്ത പ്രശ്നങ്ങൾ ഒന്നുമില്ല" ഓർത്തോഡക്സ് പാത്രിയാക്കിസിനോട് ഫ്രാൻസിസ് മാർപാപ്പ