Question And Answer - 2026
ഭൂതോച്ചാടനം ചെയ്യുവാനുള്ള അധികാരം എന്തുകൊണ്ട് അല്‍മായന് നല്‍കുന്നില്ല?
പ്രവാചക ശബ്ദം 03-09-2020 - Thursday
ഭൂതോച്ചാടനം എന്നാല്‍ പിശാചുബാധ ഒഴിപ്പിക്കുക എന്നാണ്‌ അര്‍ത്ഥമാക്കുന്നത്‌. പിശാചുബാധ ഒഴിപ്പിക്കുന്ന കര്‍മ്മം കൂദാശാനുകരണമാണ്‌. അത് ഭക്‌താനുഷ്ഠാനമല്ല, കൂദാശാനുകരണങ്ങളും കൂദാശകളും പരികര്‍മം ചെയ്യാന്‍ ഏതെങ്കിലും പട്ടങ്ങള്‍ സ്വീകരിച്ചിട്ടുള്ളവര്‍ക്ക്‌ മാത്രമേ അധികാരമുള്ളു. ഒരു രൂപതയില്‍ പിശാചുബാധ ഒഴിപ്പിക്കാൻ മെത്രാൻ നിശ്ചയിക്കുന്ന പ്രത്യേക വൈദികര്‍ക്കു മാത്രമേ അധികാരമുള്ളു. ഈ അധികാരം സഭയില്‍ വൈദികരല്ലാതെ മറ്റാര്‍ക്കും നല്കാത്തതിനു കാരണം ഇതൊരു കൂദാശാനുകരണമായതുകൊണ്ടും കൂദാശാനുകരണങ്ങള്‍ പരികര്‍മ്മം ചെയ്യാന്‍ അല്മായര്‍ക്ക്‌ അനുവാദമില്ലാത്തതുകൊണ്ടുമാണ്‌. സഭയുടെ നിയമമനുസരിച്ച്‌ എല്ലാ വൈദികര്‍ക്കും തിരുപ്പട്ടം വഴി ഇതിന് അധികാരമുണ്ടെങ്കിലും ഇത്‌ പരികര്‍മ്മം ചെയ്യാന്‍ സഭ പ്രത്യേകം നിയോഗിച്ച വൈദികര്‍ക്കു മാത്രമാണു സാധാരണമായി അനുവാദമുള്ളത്.
കടപ്പാട്: വിശ്വാസ വഴിയിലെ സംശയങ്ങള്‍
ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം
➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
'പ്രവാചകശബ്ദ'ത്തിന്റെ ശുശ്രൂഷകളെ സഹായിക്കാമോ?
നിങ്ങൾ നൽകുന്ന സഹായം ദൈവരാജ്യ മഹത്വത്തിനായുള്ള 'പ്രവാചകശബ്ദ'ത്തിന്റെ ശുശ്രൂഷകൾ തുടരാൻ ഞങ്ങളെ സഹായിക്കുന്നു.
സംഭാവന നൽകുക / Donate
