വത്തിക്കാന്‍ സിറ്റി: ദൈവഹിതത്തിനും ദൈവംതന്നെ ഭരമേല്പിച്ച പ്രത്യേക ദൗത്യത്തോടും നിശ്ശബ്ദതയിൽ വിശ്വസ്തനായി ജീവിച്ച വിശുദ്ധ യൗസേപ്പിതാവ് സഭാശുശ്രൂഷയിൽ സമർപ്പിക്കുകയും ദൈവവിളി സ്വീകരിക്കുകയും ചെയ്തിച്ചിട്ടുള്ള ഏവർക്കും മാതൃകയാണെന്ന് ഫ്രാന്‍സിസ് പാപ്പ. വിശുദ്ധ യൗസേപ്പിതാവിന്‍റെ തിരുനാൾ ദിനമായ ഇന്നലെ മാർച്ച് 19നു പുറത്തിറക്കിയ ആഗോള ദൈവവിളി ദിന സന്ദേശത്തിലാണ് ഇക്കാര്യം ഓര്‍മ്മിപ്പിച്ചിരിക്കുന്നത്. വിശുദ്ധ യൗസേപ്പിതാവിനെ ആഗോളസഭയുടെ മദ്ധ്യസ്ഥനായി പ്രഖ്യാപിച്ചതിന്റെ 150-ാം വാർഷികം അനുസ്മരിച്ചുകൊണ്ട് വിശുദ്ധ യൗസേപ്പിനെ ദൈവവിളിയുടെ സ്വപ്നക്കാരനായാണ് സന്ദേശത്തിൽ പാപ്പാ ചിത്രീകരിച്ചിരിക്കുന്നത്.

ആശ്ചര്യപ്പെടുത്തുന്ന സിദ്ധികളോ, പ്രത്യേക കഴിവുകളോ ഇല്ലാതിരുന്നിട്ടും, ഒരു വിധത്തിലും സമൂഹത്തിൽ ശ്രദ്ധേയനാകാതിരുന്നിട്ടും ദൈവത്തിന്‍റെ വിശ്വസ്തനും വിവേകിയുമായ സേവകനായി ജീവിച്ചുവെന്നതാണ് വിശുദ്ധ യൗസേപ്പിതാവിന്‍റെ സവിശേഷതയായി പാപ്പ സന്ദേശത്തിന്‍റെ ആമുഖത്തില്‍ വ്യക്തമാക്കുന്നത്. വിശുദ്ധ യൗസേപ്പിതാവിന്‍റെ ജീവിതത്തിൽനിന്നും തങ്ങളുടെ ജീവിത ഉത്തരവാദിത്വങ്ങൾ വിശ്വസ്തതയോടെ ജീവിക്കുവാൻ സഹായകമാകുന്ന മുന്നു വാക്കുകൾ സ്വപ്നം, സേവനം, വിശ്വസ്തത എന്നിവ പാപ്പ പ്രത്യേകം വിവരിച്ചു.

ജോസഫിനു സ്വപ്നത്തിൽ കിട്ടിയ ദൗത്യങ്ങൾ ഒന്നും എളുപ്പമായിരുന്നില്ല. എന്നാൽ അദ്ദേഹം പൂർണ്ണമായും അവയുടെ ദാതാവു ദൈവമാണെന്ന് മൗനമായ ഉറച്ച ബോദ്ധ്യത്തോടും സ്നേഹത്തോടുംകൂടെ ഇറങ്ങിപ്പുറപ്പെട്ടു എന്നതാണ് വിജയത്തിനു കാരണം. ജോസഫിന്‍റെ ഹൃദയം ദൈവോത്മുഖമായിരുന്നു. നമ്മുടെ സ്വാതന്ത്ര്യത്തിനു കടിഞ്ഞാണിട്ടുകൊണ്ട് ജീവിതദൗത്യവും ഉത്തരവാദിത്ത്വങ്ങളും പൂർത്തീകരിക്കുവാൻ സാധിക്കണമെങ്കിൽ നസ്രത്തിലെ ജോസഫിനെപ്പോലെ നമ്മുടെ വിളിയിലും ദൗത്യത്തിലും ദൈവത്തിന്‍റെ വിളിയുടെ മൗനസ്വരം ശ്രവിക്കുവാനുള്ള വിശ്വാസബോധ്യവും ദർശനവും ആവശ്യമാണെന്നും പാപ്പ സന്ദേശത്തില്‍ ഉദ്ബോധിപ്പിക്കുന്നുണ്ട്. പ്രവാചക ശബ്ദത്തിൽ പ്രസിദ്ധീകരിക്കുന്ന വാർത്തകളും ലേഖനങ്ങളും വീഡിയോകളും പ്രവാചകശബ്ദത്തിന്റെ മൊബൈൽ ആപ്പിലൂടെ നിങ്ങൾക്ക് നേരിട്ട് ലഭിക്കും. ‍

☛ ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍

☛ ഐ‌ഓ‌എസ് വേര്‍ഷനിലുള്ള ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍

ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക