ഹൈദരാബാദ്: പൊന്തിഫിക്കൽ ഇന്‍സ്റ്റിറ്റ്യൂട് ഫോര്‍ ഫോറിന്‍ മിഷന്‍ സമൂഹാംഗവും ആന്ധ്രാപ്രദേശിലെ കുർനൂൽ രൂപതയുടെ മുന്‍ അധ്യക്ഷനുമായ മാർ മാത്യു ചെരിയൻകുന്നേൽ കാലം ചെയ്തു. ഇന്നു ഉച്ചക്കഴിഞ്ഞ് ഏലൂര് പി‌ഐ‌എം‌ഇ ഹൗസില്‍വെച്ചായിരിന്നു അന്ത്യം. 92 വയസ്സായിരിന്നു. 1930 സെപ്റ്റംബർ 23ന് കോട്ടയം ജില്ലയിലെ കടയനികാട് ഗ്രാമത്തിൽ പരേതരായ ജോർജ് ഏലി ദമ്പതികളുടെ 12 മക്കളിൽ നാലാമനായി ജനനം. പിഐഎംഇ സന്യാസ സഭയിൽ അംഗമായ അദ്ദേഹം 1962 ഏപ്രിൽ 28ന് പൗരോഹിത്യ സ്വീകരണം നടത്തി.

1976 മെയ്‌ 31ന് ആന്ധ്രപ്രദേശിലെ നൽഗോണ്ട രൂപതയുടെ പ്രഥമ മെത്രാനായി നിയമിതനായി. 1977 മെയ്‌ 3ന് മെത്രാഭിഷേകം നടന്നു. 1986 ഡിസംബർ 22 ന് കുർനൂൽ രൂപതയുടെ മെത്രാനായി നിയമിതനായി 18 വർഷത്തെ രൂപത സേവനത്തിനു ശേഷം 1991 ജൂലൈ 16 ന് വിശ്രമ ജീവിതത്തിലേക്ക് പ്രവേശിച്ചു. മൃതസംസ്കാരം ഏപ്രില്‍ 1നു ഏലൂര് അമലോത്ഭവി കത്തീഡ്രല്‍ ദേവാലയ സെമിത്തേരിയില്‍ നടക്കും.

സഹോദരങ്ങൾ, സി​സ്റ്റ​ർ മേ​രി ജോ​ർ​ജ് (വ​ട​ക്കാ​ഞ്ചേ​രി), സി.​ജി. ജോ​ർ​ജ് (കോ​ഴി​ക്കോ​ട്), സി.​ജി. ജെ​യിം​സ് (ക​ട​യ​നി​ക്കാ​ട്), സി.​ജി. ജോ​ൺ (ചേ​ർ​പ്പു​ങ്ക​ൽ), പ്ര​ഫ. ഡോ. ​റോ​സ​മ്മ ജേ​ക്ക​ബ് കു​ന്ന​പ്പ​ള്ളി (ചി​റ​ക്ക​ട​വ്), പ​രേ​ത​രാ​യ ഫാ. ​തോ​മ​സ് ചെ​രി​യ​ൻ​കു​ന്നേ​ൽ (വെ​ല്ലൂ​ർ), ഫാ. ​ജോ​സ​ഫ് ചെ​രി​യ​ൻ​കു​ന്നേ​ൽ (വി​ശാ​ഖ​പ​ട്ട​ണം), പ്ര​ഫ സി.​ജി. ഫി​ലി​പ്പ് (ചേ​ർ​പ്പു​ങ്ക​ൽ),സിസ്റ്റർ എലിസബത് ജോർജ്, പ്ര​ഫ. സി.​ജി. മാ​നു​വേ​ൽ (മു​ള​ന്തു​രു​ത്തി).

\പ്രവാചക ശബ്ദത്തിൽ പ്രസിദ്ധീകരിക്കുന്ന വാർത്തകളും ലേഖനങ്ങളും വീഡിയോകളും പ്രവാചകശബ്ദത്തിന്റെ മൊബൈൽ ആപ്പിലൂടെ നിങ്ങൾക്ക് നേരിട്ട് ലഭിക്കും. ‍

☛ ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍
☛ ഐ‌ഓ‌എസ് വേര്‍ഷനിലുള്ള ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍

പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക