ലണ്ടന്‍: അയർലണ്ടിലെയും സ്‌കോട്ട്‌ലന്റിലെയും ഇംഗ്ലണ്ടിലെയും വെയില്‍സിലെയും കത്തോലിക്കാ രൂപതകളുടെ നേതൃത്വത്തിൽ വരുന്ന ജൂൺ പതിനാറാം തീയതി ഞായറാഴ്ച്ച, ജീവന്റെ ദിനമായി ആഘോഷിക്കും. മനുഷ്യജീവിതത്തിന്റെ ഓരോ ഘട്ടത്തിലും, ഓരോ അവസ്ഥയിലും ജീവന്റെ മൂല്യത്തെയും, അർത്ഥത്തേയും കുറിച്ച് സമൂഹത്തിൽ അവബോധം വളർത്തുക എന്ന ലക്ഷ്യത്തോടെയാണ് ഈ ദിനത്തിലെ ആഘോഷങ്ങൾ സംഘടിപ്പിച്ചിരിക്കുന്നത്.

"കർത്താവ് എന്റെ ഇടയനാണ് - ജീവിതാവസാനത്തിൽ അനുകമ്പയും പ്രതീക്ഷയും" എന്നുള്ളതാണ് ദിനാചരണത്തിന്റെ പ്രമേയം. മാരകമായ രോഗങ്ങളാൽ ജീവിക്കുന്ന ആളുകളെ ഉപേക്ഷിക്കുന്നതിന് പകരം, അവര്‍ക്ക് അവശേഷിക്കുന്ന സമയത്തേക്ക് ജീവിതം കഴിയുന്നത്ര സന്തോഷത്തോടെ ജീവിക്കുവാൻ, സ്നേഹത്തോടെ അവരെ പരിചരിക്കേണ്ടത് ഏറെ ആവശ്യമാണെന്ന് ഐറിഷ് മെത്രാൻ സമിതിയുടെ ജീവന്റെ പരിപാലനത്തിനായുള്ള കമ്മീഷന്റെ ചെയർമാൻ മോൺസിഞ്ഞോർ കെവിൻ ഡോറൻ പറഞ്ഞു.

യേശു മരിച്ചപ്പോൾ മാതാവ് അവസാനം വരെ കുരിശിൻ്റെ ചുവട്ടിൽ നിന്നു. കാരുണ്യ സാന്നിധ്യത്തിൻ്റെയും പ്രാർത്ഥനയുടെയും മാതൃകയായ മറിയത്തെ അനുകരിക്കാൻ നാം വിളിക്കപ്പെട്ടിരിക്കുന്നു. മരണത്തോട് അടുക്കുന്നവരും അവരുടെ പ്രിയപ്പെട്ടവരും പലപ്പോഴും സമാനമായ അന്ധകാരത്തിലൂടെയും വേദനയിലൂടെയും കടന്നുപോകുന്നുണ്ട്. എന്നാൽ ആത്മീയ പരിചരണത്തോടെ അമൂല്യമായ അവസാന നിമിഷങ്ങളിൽ കൂടുതൽ പൂർണ്ണമായ സ്വീകാര്യത കൈവരിക്കാനും സമാധാനം കണ്ടെത്താനും കഴിയുമെന്നും മോൺ. കെവിൻ ഡോറൻ കൂട്ടിച്ചേര്‍ത്തു.

2001 മുതലാണ് അയർലണ്ടിൽ എല്ലാ വർഷവും ജീവന്റെ ദിനാഘോഷം നടത്തിവരുന്നത്. ജീവന്റെ പവിത്രതയെ പ്രോത്സാഹിപ്പിക്കുന്നതിനും ആഘോഷിക്കുന്നതിനും വിശുദ്ധ ജോൺ പോൾ രണ്ടാമൻ പാപ്പായാണ്, ഈ ദിനത്തിന് തുടക്കം കുറിച്ചത്. ഗർഭധാരണം മുതൽ സ്വാഭാവിക മരണം വരെയുള്ള ജീവന്റെ മഹത്വം പ്രഘോഷിക്കുന്നതിനായി സഭ സമർപ്പിച്ചിരിക്കുന്ന പ്രത്യേക ദിനം കൂടിയാണ് ഇത്.

▛ കര്‍ത്താവിന്റെ സത്യവചനം അനേകരിലേക്ക് എത്തിക്കുവാന്‍ 'പ്രവാചകശബ്‌ദ'ത്തെ സഹായിക്കാമോ? ▟

ജനാധിപത്യത്തിന് വേണ്ടി പോരാടിയ നിക്കരാഗ്വേ ബിഷപ്പിന് ലിബർട്ടാസ് ഇൻ്റർനാഷണൽ അവാര്‍ഡ്

സിഡ്‌നിയില്‍ മഴയെ അവഗണിച്ച് കത്തീഡ്രലിന് മുന്നില്‍ മുട്ടുകുത്തി പുരുഷന്മാരുടെ ജപമാല: വീഡിയോ കണ്ടത് 33 ലക്ഷത്തോളം പേര്‍

തട്ടിക്കൊണ്ടുപോകലിന് ഇരയായ മറ്റൊരു നൈജീരിയന്‍ വൈദികന് കൂടി മോചനം

മേജർ ആര്‍ച്ച് ബിഷപ്പിന്റെ പേരിൽ വ്യാജ സർക്കുലർ പ്രചരിക്കുന്നു

വിടവാങ്ങിയ മലാവി വൈസ് പ്രസിഡന്‍റ് കത്തോലിക്ക വിശ്വാസത്തെ നെഞ്ചോട് ചേര്‍ത്തുനിര്‍ത്തിയ ഭരണാധികാരി

ഏകീകൃത വിശുദ്ധ കുർബാന അർപ്പിക്കാത്ത വൈദികർ സഭയ്ക്ക് പുറത്തേക്ക്: അന്ത്യ ശാസനവുമായി സഭ

ക്രൈസ്തവ വിരുദ്ധതയിൽ വിരിയിച്ചെടുക്കുന്ന അധാർമിക ആശയങ്ങൾ

കുട്ടികൾക്ക് എല്ലാ കാര്യങ്ങളും വീട്ടിൽ പറയാൻ പറ്റുമെന്ന ബോധ്യം വളർത്തുക: ഫ്രാൻസിസ് പാപ്പാ

ലോകമെമ്പാടുമായി 364 മില്യണ്‍ ക്രൈസ്തവര്‍ പീഡനം ഏറ്റുവാങ്ങുന്നതായി വത്തിക്കാന്‍

യുക്രൈന് അടിയന്തര മരുന്നുകൾ ഉള്‍പ്പെടെയുള്ള സഹായവുമായി ഫ്രാന്‍സിസ് പാപ്പ