മാഡ്രിഡ്: സ്പെയിനിലെ പ്രസിദ്ധമായ കാഡിസ്, മലാഗ കത്തീഡ്രലുകൾ കൂടി 360º വിർച്വൽ റിയാലിറ്റിയില്‍ എത്തുന്നതോടെ സ്പാനിഷ് കത്തീഡ്രലുകള്‍ ശ്രദ്ധേയമായ രീതിയില്‍ സന്ദര്‍ശിക്കുവാന്‍ അവസരം. നിലവില്‍ 10 രൂപതകളിലെ കത്തീഡ്രലുകളിലാണ് സാങ്കേതിക വിദ്യ ലഭ്യമാക്കുന്നത്. നൂറ്റാണ്ടുകൾ പഴക്കമുള്ള കത്തീഡ്രല്‍ വിർച്വൽ റിയാലിറ്റിയിലേക്ക് കൊണ്ടുവരുവാന്‍ അധികൃതര്‍ കാര്യമായ ശ്രമം നടത്തുകയായിരിന്നു. 360º വെർച്വൽ റിയാലിറ്റി ഗ്ലാസുകൾ ഉപയോഗിച്ച്, പുരാതനമായ ദേവാലയത്തിന്റെ കലാപരമായ മൂല്യവും ദൈവശാസ്ത്രമായ മാനവും ആസ്വദിക്കാനാണ് വാതായനം തുറന്നിട്ടിരിക്കുന്നത്.

അതുല്യമായ നിര്‍മ്മിതികള്‍ക്കു ഉള്ളിലൂടെ എല്ലാ വശങ്ങളിലേക്കും ചുറ്റി സഞ്ചരിക്കുവാനും നിര്‍മ്മാണ വൈദഗ്ധ്യം നിറഞ്ഞ ഓരോ ഭാഗവും കലാസൃഷ്ടികളും ആസ്വദിക്കുവാനും ഓരോരുത്തര്‍ക്കും അവസരമുണ്ട്. ബാഴ്‌സിലോണ, സലാമങ്ക, ആവില, അസ്റ്റോർഗ, ജാൻ, ജെറെസ് ഡി ലാ ഫ്രോണ്ടേറ, സിഗ്യൂൻസ, ബെയ്‌സ, കാഡിസ്, മലാഗ എന്നീ കത്തീഡ്രലുകളിലും മറ്റ് രണ്ട് ദേവാലയങ്ങളിലും വിര്‍ച്വല്‍ റിയാലിറ്റി സംവിധാനം ഇതിനകം നടപ്പിലാക്കിയിട്ടുണ്ട്. കത്തീഡ്രൽ മുഴുവനും ഡ്രോൺ ചിത്രങ്ങളിൽ കാണിച്ചിരിക്കുന്നുവെന്നും ചിത്രങ്ങൾക്ക് ഒപ്പം വിവരണം ഉണ്ടെന്നും ആർട്ടി സ്പ്ലെൻഡോർ എന്ന കമ്പനിയുടെ കമ്മ്യൂണിക്കേഷൻസ് മേധാവി അൻ്റോണിയോ ഒർട്ടിസ് എസിഐ പ്രെൻസയോട് പറഞ്ഞു.

വരും ആഴ്ചകളിൽ, ഇറ്റലിയിലെ വിറ്റെർബോ കത്തീഡ്രലിലും സ്പെയിനിലെ മറ്റ് രണ്ട് സ്ഥലങ്ങളിലും വിര്‍ച്വല്‍ റിയാലിറ്റി ലഭ്യമാക്കും. ദേവാലയത്തിന്റെ 3D മോഡലിംഗ്, ദേവാലയങ്ങളില്‍ കാമറകൾ ഘടിപ്പിച്ച ഡ്രോണുകളുടെ ഉപയോഗം, കമ്പ്യൂട്ടർ ജനറേറ്റഡ് ഇമേജ് ടെക്നിക് ഉള്‍പ്പെടെ വിവിധങ്ങളായ വ്യത്യസ്ത സാങ്കേതിക വിദ്യകൾ സംയോജിപ്പിച്ചാണ് 360º വിര്‍ച്വല്‍ റിയാലിറ്റി സാധ്യമാക്കുന്നത്. ഓരോ കത്തീഡ്രലിലും, വിര്‍ച്വല്‍ റിയാലിറ്റി വിവിധ ഭാഷ വിവരണങ്ങളോടെ ലഭ്യമാക്കുന്നുണ്ടെന്നതും ശ്രദ്ധേയമാണ്.

കുടുംബത്തിന്റെ പവിത്രത പ്രഘോഷിക്കുവാന്‍ ആദ്യത്തെ ഫാമിലി പരേഡിന് തയാറെടുത്ത് ബ്രസീല്‍

വേളാങ്കണി തീര്‍ത്ഥാടന കേന്ദ്രം നിരവധി ആത്മീയ ഫലങ്ങള്‍ പുറപ്പെടുവിക്കുന്ന ഇടം: വത്തിക്കാന്‍ വിശ്വാസ കാര്യാലയം

ദുരിതമനുഭവിക്കുന്നവർക്ക് സഹായഹസ്തവുമായി ഗ്രേറ്റ് ബ്രിട്ടൻ സീറോ മലബാർ രൂപത

ഇസ്ലാമിക് സ്റ്റേറ്റിന്റെ അധിനിവേശത്തിന് ശേഷം ഇറാഖി ക്രൈസ്തവര്‍ ഉയിര്‍ത്തെഴുന്നേല്‍പ്പിന്റെ പാതയില്‍

"ക്രൈസ്തവര്‍ക്ക് നേരെയുള്ള ആക്രമണം അവസാനിപ്പിക്കുക"; സ്റ്റിക്കര്‍ പതിപ്പിച്ച ബസ് തോക്കിന്‍മുനയില്‍ തടഞ്ഞ് പാരീസ് പോലീസ്

മിസിസിപ്പി നദിയില്‍ 14 അടി ഉയരമുള്ള അരുളിക്കയില്‍ 130 മൈൽ നീളുന്ന ദിവ്യകാരുണ്യ പ്രദിക്ഷണം ഒരുങ്ങുന്നു

നിക്കരാഗ്വേയിലെ വൈദിക വേട്ടയാടല്‍ വീണ്ടും; 13 വൈദികരെ കൂടി അകാരണമായി അറസ്റ്റ് ചെയ്തു

മാര്‍പാപ്പയുടെ സന്ദർശനത്തിന് ദിവസങ്ങള്‍ ബാക്കി നില്‍ക്കേ ഇന്തോനേഷ്യൻ കത്തോലിക്ക ദേവാലയങ്ങളെ ലക്ഷ്യമിട്ട് തീവ്രവാദികള്‍

കുടിയേറ്റ വിരുദ്ധ പ്രക്ഷോഭത്തെ അപലപിച്ച് ബ്രിട്ടീഷ് മെത്രാന്മാര്‍

വയനാട് - വിലങ്ങാട് ഉരുള്‍പ്പൊട്ടല്‍: കത്തോലിക്ക സഭ 100 വീടുകള്‍ നിര്‍മ്മിച്ചു നല്‍കും