News - 2024
സിഎംഐ സഭയില്‍ പുതിയ നിയമനങ്ങള്‍
സ്വന്തം ലേഖകന്‍ 04-04-2017 - Tuesday
തൃശൂർ: സിഎംഐ സഭയുടെ കോഴിക്കോട്, തൃശ്ശൂര്‍, കൊച്ചി പ്രോവിന്‍സുകളില്‍ പ്രോവിന്‍ഷ്യാള്‍ സുപ്പീരിയറുമാരെയും കൗണ്‍സിലർമാരായും തിരഞ്ഞെടുത്തു. തൃശൂർ ദേവമാതാ പ്രൊവിൻഷ്യലായി ഫാ. വാൾട്ടർ തേലപ്പിള്ളിയെയും കൊച്ചി സേക്രഡ് ഹാർട്ട് പ്രൊവിൻസിന്റെ സുപ്പീരിയറായി റവ. ഡോ. ജോസ് കുറിയേടത്തിനെയും കോഴിക്കോട് സെന്‍റ് തോമസ് പ്രോവിൻസിന്‍റെ പ്രൊവിൻഷ്യലായി ഫാ. തോമസ് തെക്കേലിനെയുമാണ് തെരഞ്ഞെടുത്തത്.
റവ. ഡോ. ജോസ് കുറിയേടത്ത് സഭയുടെ വിദ്യാഭ്യാസത്തിനായുള്ള ജനറൽ കൗണ്‍സിലർ, തേവര എസ്എച്ച് കോളജിൽ സോഷ്യോളജി പ്രഫസർ, പ്രിൻസിപ്പൽ, മാനേജർ, ബംഗളൂരു ധർമാരാം കോളജിൽ പ്രഫസർ, തേവര ആശ്രമം സുപ്പീരിയർ എന്നീ നിലകളിൽ സേവനം ചെയ്തിട്ടുണ്ട്. 12 വർഷമായി ബംഗളൂരുവിൽ ക്രൈസ്റ്റ് യൂണിവേഴ്സിറ്റിയിൽ സേവനം അനുഷ്ഠിക്കുകയായിരുന്നു ഫാ. തോമസ് തെക്കേല്‍.
കോഴിക്കോട് വികാർ പ്രോവിൻഷ്യലായി ഫാ. തോമസ് പന്തപ്ലാക്കലിനെയും വിദ്യാഭ്യാസ സെക്രട്ടറിയായി ഫാ. ജോണി കൊച്ചുതാഴത്തെയും സോഷ്യൽ വർക്ക് സെക്രട്ടറിയായി ഫാ. ജോസ് പ്രകാശ് ചേലക്കലിനെയും ധനകാര്യ സെക്രട്ടറിയായി ഫാ. പോൾ കുരീക്കാട്ടിനെയും പ്രൊവിൻഷ്യൽ ഓഡിറ്ററായി ഫാ. മാത്യു പാത്രപാങ്കലിനെയും തെരഞ്ഞെടുത്തു.
കൊച്ചി പ്രോവിന്‍സില്‍ വികാർ പ്രൊവിൻഷ്യൽ ആയി ഫാ.ആന്‍റണി കൊച്ചാലുങ്കലിനെയും ഫാ. സാജു മാടവനക്കാട്, ഫാ. മാത്യു കിരിയാന്തൻ, ഫാ. ജോബി വിതയത്തിൽ, ഫാ. ആന്‍റണി കേളംപറമ്പിൽ എന്നിവരെ കൗണ്‍സിലർമാരായും തെരഞ്ഞെടുത്തു. തൃശ്ശൂര്‍ പ്രോവിന്‍സില്‍ വികാർ പ്രൊവിൻഷ്യലും പാസ്റ്ററൽ മിഷൻ പ്രവർത്തനങ്ങളുടെ കൗണ്‍സിലറുമായി ഫാ. ഡേവിസ് പനയ്ക്കലിനെയും ഫാ. ഷാജു എടമന, ഫാ. ജോയ് വട്ടോലി, ഫാ. പോൾസൻ പാല്യേക്കര (സാമ്പത്തികം), ഫാ. ജോളി ആൻഡ്രൂസ് മാളിയേക്കൽ (ഓഡിറ്റർ) എന്നീ കൗണ്‍സിലർമാരെയും തെരഞ്ഞെടുത്തു.
