ആലപ്പുഴ: ഫാ.​ മാ​ർ​ട്ടി​നെ മ​രി​ച്ച​നി​ല​യി​ൽ ക​ണ്ടെ​ന്ന വാ​ർ​ത്ത മ​ക്ക​ൾ ആ​ദ്യ​ഘ​ട്ട​ത്തി​ൽ രോ​ഗി​യാ​യ പി​താ​വി​നെ അ​റി​യി​ച്ചി​രു​ന്നി​ല്ല. പി​ന്നീ​ടു സ​ന്ദ​ർ​ശ​ക​രാ​യി സ​ഭാ, രാ​ഷ്‌​ട്രീ​യ നേ​താ​ക്ക​ളെ​ത്തി​യ​പ്പോ​ൾ ബന്ധുക്കള്‍ക്ക് ആ യാഥാര്‍ത്ഥ്യം മറച്ചുവെക്കുവാന്‍ കഴിഞ്ഞില്ല. അന്ന്‍ മുതല്‍ തന്റെ മകന്‍റെ മുഖം ഒരു നോക്കുവാന്‍ കാണുവാനുള്ള കാത്തിരിപ്പിലായിരിന്നു തോ​മ​സ് സേ​വ്യ​റെ​ന്ന ഫാ. മാര്‍ട്ടിന്റെ പിതാവ്. ആ ഹൃദയവേദന ഉള്ളിലൊതുക്കി ഇന്നലെ വരെ ആ പിതാവ് കാത്തിരിന്നു.

ഇന്നലെ വൈദികന്റെ മൃതദേഹം പു​ളി​ങ്കു​ന്ന് വാ​ഴ​ച്ചി​റ വീ​ട്ടി​ലെ​ത്തി​ച്ച​പ്പോ​ൾ മൃ​ത​ദേ​ഹം സൂ​ക്ഷി​ച്ച പെ​ട്ടി​ക്ക​രി​കി​ൽ വി​ങ്ങു​ന്ന ഹൃ​ദ​യ​ത്തോ​ടെ നിശ്ചലനായി നിന്നു പോയ പിതാവിന്റെ കാ​ഴ്ച അനേകരെ ഈറനണിയിച്ചു. എം​ബാം ചെ​യ്ത് അ​യ​ച്ച മൃ​ത​ദേ​ഹം പെ​ട്ടി​ക്കു​ള്ളി​ൽ​നി​ന്നു പു​റ​ത്തെ​ടു​ക്കാ​നാ​വി​ല്ലായെന്നതിനാല്‍ മകന്റെ ചേതനയറ്റ ശരീരം ഒരു നോക്കുവാന്‍ കാണുവാന്‍ ആഗ്രഹിച്ച ആ പിതാവിനു പെ​ട്ടി​ക്കു മു​ക​ളി​ൽ അ​ന്ത്യ​ചും​ബ​നം നല്‍കാനേ കഴിഞ്ഞുള്ളൂ.

തോ​മ​സ് സേ​വ്യ​റെ​ന്ന മാ​മ​ച്ച​ന്‍റേ​ത് ഭാ​ര്യ​യും എ​ട്ടു മ​ക്ക​ളു​മ​ട​ങ്ങു​ന്ന സ​ന്തു​ഷ്‌​ട കു​ടും​ബ​മാ​യി​രു​ന്നു. നെ​ൽ​കൃ​ഷി​ ജീവിതമാര്‍ഗ്ഗമാക്കി ക്രിസ്തീയ വിശ്വാസത്തെ മുറുകെ പിടിച്ച് മുന്നേറിയ മാമച്ചനും ഭാര്യ മോ​നി​മ്മക്കും നാല് ആണ്‍മക്കളും നാ​ലു പെണ്‍മക്കളുമാണ് ദൈവം ദാനമായി നല്‍കിയത്. 2009-ല്‍ ഭാര്യ മോനിമ്മയുടെ മരണം മാമച്ചനെയും മക്കളെയും സംബന്ധിച്ചിടത്തോളം വലിയ വേദനയാണ് നല്‍കിയത്. 2012ൽ ​മൂ​ത്ത​മ​ക​ളും ര​ണ്ടു കു​ട്ടി​ക​ളു​ടെ അമ്മയു​മാ​യ ആ​ൻ​സ​മ്മ​യും യാ​ത്ര​യാ​യി.

മക്കളില്‍ ഇ​ള​യ​വ​നാ​യ കു​ഞ്ഞു​മോ​നെ​ന്ന വി​ളി​പ്പേ​രു​ള്ള ഫാ. മാ​ർ​ട്ടി​നെ​യാ​ണു പി​താ​വും മ​റ്റു സ​ഹോ​ദ​ര​ങ്ങ​ളും ഏ​റെ സ്നേ​ഹി​ച്ച​ത്. രണ്ട് മരണങ്ങളുടെ വേദന മറക്കാന്‍ കൂടുതല്‍ കരുത്ത് നല്‍കുന്നായിരിന്നു 2013 ഡിസംബർ 28നു നടന്ന ഫാ. മാര്‍ട്ടിന്റെ പൗ​രോ​ഹി​ത്യ സ്വീ​ക​ര​ണം. രോഗങ്ങളും പ്രായാധിക്യവും ശരീരത്തെ തളര്‍ത്തിയെങ്കിലും ഫാ. മാര്‍ട്ടിന്റെ പൗ​രോ​ഹി​ത്യം മാമച്ചന് നല്‍കിയ പ്രതീക്ഷ ഏറെ വലുതായിരിന്നു. ഒ​രു വ​ർ​ഷം മുന്‍പ് ക​ണ്ണു​ക​ളി​ലേ​ക്കു​ള്ള ഞ​രമ്പുക​ളി​ലു​ണ്ടാ​യ ത​ക​രാ​റി​നെ​ത്തു​ട​ർ​ന്ന് മൂ​ത്ത​മ​ക​ൻ ലാ​ലി​ച്ച​ന്‍റെ ഇ​രു​ക​ണ്ണു​ക​ളു​ടെ​യും കാ​ഴ്ച​ശ​ക്തി ന​ഷ്ട​പ്പെ​ട്ടു.

എന്നിരിന്നാലും വേദന നിറഞ്ഞ മാമച്ചന്റെ കുടുംബത്തിന്റെ സന്തോഷമായിരുന്നു ഫാ. മാർട്ടിൻ. ഒടുവില്‍ ഫാ. മാര്‍ട്ടിനും ദൈവസന്നിധിയിലേക്ക് യാത്രയായി. നീറുന്ന ഹൃദയവേദന ഉള്ളിലൊതുക്കി ആ പിതാവ് അന്ത്യചുംബനം നല്‍കിയപ്പോള്‍ പുളിങ്കുന്നിലെ കണ്ണാടി ഗ്രാമത്തിന്റെ വിതുമ്പലായി അത് മാറി. ഭവനത്തിനുള്ളിൽ വച്ചു ഫാ. മാർട്ടിന്റെ സഹോദരങ്ങളും സഹവൈദികരും അന്ത്യാഞ്ജലി അർപ്പിച്ചു. വൻ ജനാവലിയാണ് ഫാ. മാര്‍ട്ടിനു അന്ത്യോപചാരം നല്‍കാന്‍ എത്തിയത്.