Events - 2024
“വേ ടു ഹോളിനെസ്": ലോക്ഡൗണിൽ ഇന്റർനാഷണൽ ഓൺലൈൻ ആത്മീയ വളർച്ചാധ്യാനം 26 മുതൽ 30 വരെ
ബാബു ജോസഫ് 23-04-2020 - Thursday
അഭിഷേകാഗ്നി കാത്തലിക് മിനിസ്ട്രിയുടെ നേതൃത്വത്തിൽ പ്രശസ്ത വചന പ്രഘോഷകനും, പുരോഹിതരുടെയും സന്യസ്തരുടെയും, ശുശ്രൂഷകരുടെയും ആത്മീയ വളർച്ചാധ്യാനഗുരുവും ഷില്ലോങ് ഹോളി റെഡീമർ റിന്യൂവൽ സെന്റർ സുപ്പീരിയറുമായ റവ. ഫാ. റെജി മാണി MSFS നയിക്കുന്ന അഞ്ച് ദിവസത്തെ ഇന്റർ നാഷണൽ ഓൺലൈൻ സ്പിരിച്ച്വൽ വളർച്ചാധ്യാന ശുശ്രൂഷ ഏപ്രിൽ 26 മുതൽ 30 വരെ നടത്തപ്പെടുന്നു.
സന്യസ്തർക്കും സുവിശേഷപ്രവർത്തകർക്കും നാൽപ്പത് ദിവസത്തെ സ്പിരിച്ച്വൽ ഗൈഡഡ് ശുശ്രൂഷ വഴി അനേകരുടെ ആത്മീയ വളർച്ചയിൽ ഗുരുസ്ഥാനീയനായ ഫാ. റെജി മാണി നയിക്കുന്ന ഈ വളർച്ചാ ധ്യാന ക്ലാസ്സുകളിൽ ലോക്ഡൗൺ കാലത്ത് വീടുകളിൽ ആയിരുന്നുകൊണ്ട് "സൂം" ഓൺലൈൻ മോഡ് വഴി ലോകത്തിന്റെ വിവിധ ഭാഗങ്ങളിലുള്ള ആർക്കും പങ്കെടുക്കാം. ഇംഗ്ലീഷിലുള്ള ഈ ധ്യാനത്തിൽ പങ്കെടുക്കുന്നവർ താഴെപ്പറയുന്ന ലിങ്കിൽ നിർബന്ധമായും രജിസ്റ്റർ ചെയ്യേണ്ടതാണ്. രെജിസ്ട്രേഷൻ സൗജന്യമാണ്.
ലിങ്ക്: http://www.afcmuk.org
ഏപ്രിൽ 26 ഞായർ മുതൽ 30 വ്യാഴം വരെ തീയതികളിൽ യുകെ സമയം രാവിലെ 9.30 മുതൽ ഉച്ചയ്ക്ക് 12.30 വരെയാണ് ശുശ്രൂഷ. ലോകത്തെ ഭയാനകമാം വിധം ബാധിക്കുന്ന മഹാ വിപത്തുകളെ ദൈവിക പദ്ധതിയോട് ചേർന്നുനിന്നുകൊണ്ട് അഭിമുഖീകരിക്കുവാനും , ദൈവഹിതത്തിന് നമ്മെത്തന്നെ വിട്ടുകൊടുത്തുകൊണ്ട് ആത്മീയ വളർച്ചയിൽ പതറാതെ മുന്നേറുകയെന്ന ലക്ഷ്യത്തോടെയും, ലോകപ്രശസ്ത വചന ശുശ്രൂഷകൻ റവ. ഫാ. സേവ്യർ ഖാൻ വട്ടായിൽ ആത്മീയ നേതൃത്വം നൽകുന്ന അഭിഷേകാഗ്നി കാത്തലിക് മിനിസ്ട്രിയുടെ യുകെ ടീമിന്റെ ആഭിമുഖ്യത്തിൽ നടത്തപ്പെടുന്ന ഈ പ്രത്യേക ധ്യാനശുശ്രൂഷയിലേക്ക് യേശുനാമത്തിൽ ഏവരെയും ക്ഷണിക്കുന്നു.
** കൂടുതൽ വിവരങ്ങൾക്ക്: ജോസ് കുര്യാക്കോസ്- 07414747573.