മസാച്ചുസെറ്റ്സ്: ഗര്‍ഭഛിദ്രത്തില്‍ അമ്മ കുട്ടിയെ കൊന്നുവെന്ന വസ്തുത തങ്ങളുടെ പൈശാചിക ആരാധനയുടെ ഭാഗമാക്കുവാന്‍ കൂടുതല്‍ ഇടപെടലുമായി സാത്താന്‍ സംഘടന. മസാച്ചുസെറ്റ്സ് കേന്ദ്രമാക്കിയുള്ള സാത്താന്‍ ടെംപിള്‍ സംഘടനയാണ് ഗര്‍ഭഛിദ്രത്തെ പ്രോത്സാഹിപ്പിക്കുന്ന പരിപാടിക്ക് തുടക്കമിട്ടിരിക്കുന്നത്. ഇതോടെ സാത്താന്‍ സേവകരും അബോര്‍ഷന്‍ അനുകൂല സംഘടനകളും കൈകോര്‍ത്തിരിക്കുകയാണെന്ന സംശയം കൂടുതല്‍ ബലപ്പെട്ടിരിക്കുകയാണ്. ‘ദി വാന്‍ മാരെന്‍ ഷോ’ എന്ന പോഡ്കാസ്റ്റിന്റെ സ്ഥാപകനായ ജോനാഥനാണ് സാത്താനിക ടെംപിളിന്റെ ഈ കുടില തന്ത്രം വെളിച്ചത്ത് കൊണ്ടുവന്നിരിക്കുന്നത്.

'ഗര്‍ഭഛിദ്രം എന്ന തങ്ങളുടെ സാത്താനിക ആചാരം മതസ്വാതന്ത്ര്യ നിയമങ്ങളാല്‍ സംരക്ഷിക്കപ്പെട്ടിരിക്കുന്നു' എന്ന പ്രചാരണ പരിപാടിയുടെ ധനശേഖരണത്തിനായി ഒരു നറുക്കെടുപ്പിനും സംഘടന ആരംഭം കുറിച്ചിട്ടുണ്ട്. നറുക്കെടുപ്പിലെ ആദ്യ വിജയിക്കുള്ള സമ്മാനം സൗജന്യ അബോര്‍ഷനാണെന്നതും വിഷയത്തിന്റെ ഗൌരവം വര്‍ദ്ധിപ്പിക്കുന്നു. സാത്താനിക ടെംപിളിന്റെ സ്ഥാപകനായ ലൂസിയന്‍ ഗ്രീവ്സ്മായുള്ള ഓണ്‍ലൈന്‍ കൂടിക്കാഴ്ചയാണ് രണ്ടാമത്തെ സമ്മാനമായി നല്‍കുന്നത്.

അബോര്‍ഷന്‍ ഒരു സാത്താനിക ആചാരമാണെന്നു സംഘടനയുടെ വെബ്സൈറ്റില്‍ പ്രത്യേകം പരാമര്‍ശിക്കുന്നുണ്ട്. സാത്താനിക ഭ്രൂണഹത്യ ആത്മീയ ആശ്വാസവും, സ്വന്തം ശരീരത്തിന്‍മേലുള്ള അധികാരവും ഉറപ്പ് നല്‍കുന്നുണ്ടെന്നാണ് സാത്താനിക് ടെംപിളിന്റെ അവകാശ വാദം. “എന്റെ ശരീരം, എന്റെ രക്തം, എന്റെ ഇഷ്ടത്താല്‍ ചെയ്തു” എന്ന തങ്ങളുടെ മന്ത്രം ഗര്‍ഭഛിദ്ര നിയന്ത്രണങ്ങള്‍ക്കുള്ള മറുപടിയാണെന്നും സംഘടന പറയുന്നു.

ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക