India
എറണാകുളം-അങ്കമാലി അതിരൂപതയുടെ 'സഹൃദയ കേശദാനം പദ്ധതി'ക്ക് തുടക്കമായി
സ്വന്തം ലേഖകന്‍ 04-02-2017 - Saturday
കൊച്ചി: ''നല്ല മുടി ഉണ്ടായതിലും അതിനു നീളം വച്ചതിലും അഭിമാനം തോന്നുന്ന നിമിഷമാണിത്'' പറയുന്നത് ക്രൈസ്റ്റ് കിംഗ് കോണ്‍വെന്റ് സ്‌കൂളിലെ പത്താം ക്ലാസുകാരി ടിസി. കാന്‍സര്‍ ചികിത്സയുടെ ഭാഗമായി റേഡിയേഷന്‍ മൂലം മുടി നഷ്ടപ്പെടുന്നവര്‍ക്കു നല്‍കാന്‍ എറണാകുളം-അങ്കമാലി അതിരൂപതാ സാമൂഹ്യപ്രവര്‍ത്തനവിഭാഗമായ സഹൃദയ, ലോക കാന്‍സര്‍ ദിനാചരണത്തോടനുബന്ധിച്ച് സംഘടിപ്പിച്ച കേശദാന പദ്ധതിയില്‍ മുടി മുറിച്ചുനല്‍കുകയായിരുന്നു ടിസി.
ടിസിക്കൊപ്പം സ്‌കൂളിലെ കൂട്ടുകാരികളും മുടി നല്‍കാനെത്തി. 12 ഇഞ്ച് വീതമായിരുന്നു മുടി മുറിച്ചെടുത്തത്. മുടി നല്‍കാന്‍ മനസ്സോടെ എത്തിയെങ്കിലും ആവശ്യമായ നീളം തികയാതിരുന്നതിനാല്‍ നിരാശയോടെ നില്‍ക്കേണ്ടിവന്ന മൂന്നാം ക്ലാസുകാരി ആര്യ ആന്‍ മേരിയും സഹോദരി അഞ്ചാം ക്ലാസുകാരി ഐശ്വര്യ ആന്‍ മേരിയും ഉള്‍പ്പെടെയുള്ളവര്‍ കാന്‍സര്‍ രോഗികളോടുള്ള സമൂഹത്തി ന്റെ കരുതലിന്റേയും കാരുണ്യത്തിന്റേയും പ്രതീകമായി. വിദ്യാര്‍ത്ഥിനികളും വീട്ടമ്മമാരുമുള്‍പ്പെടെ അമ്പതിലേറെപ്പേരാണ് പൊന്നുരുന്നി സഹൃദയ അങ്കണത്തില്‍ സംഘടിപ്പിച്ച ചടങ്ങില്‍ കേശദാനം നടത്തിയത്.
കാന്‍സര്‍ പ്രതിരോധ പ്രവര്‍ത്തനങ്ങള്‍ക്കൊപ്പം തന്നെ രോഗികളോടുള്ള സഹാനുഭൂതിയും വി ലപ്പെട്ടതാണെന്ന് കാന്‍സര്‍ ദിനാചരണം ഉദ്ഘാടനം ചെയ്ത നഗരസഭാ മേയര്‍ സൗമിനി ജയിന്‍ അഭിപ്രായപ്പെട്ടു. നഗരസഭാ കൗണ്‍സിലര്‍ അജി ഫ്രാന്‍സീസ് സ്വന്തം മുടി മുറിച്ചുനല്‍കി കേശദാ ന പദ്ധതി ഉദ്ഘാടനം ചെയ്തു. കാന്‍സര്‍ രോഗത്തെപ്പറ്റിയും രോഗികളെപ്പറ്റിയും ചിന്തയുള്ളവരാകാന്‍ ഈ പദ്ധതി പ്രചോദനമാകുമെന്ന് അജി ഫ്രാന്‍സീസ് പറഞ്ഞു. കാരിത്താസ് ഇന്ത്യ സോ ണല്‍ മാനേജര്‍ ഡോ. വി.ആര്‍. ഹരിദാസ് അധ്യക്ഷനായിരുന്നു.
കേശദാനം നടത്തിയവര്‍ക്കുള്ള സര്‍ട്ടിഫിക്കറ്റുകള്‍ സഹൃദയ ഡയറക്ടര്‍ ഫാ. പോള്‍ ചെറുപിള്ളി വിതരണം ചെയ്തു. ഡോ. ഐ ശ്വര്യ ഹരിന്‍ കാന്‍സര്‍ദിനസന്ദേശം നല്‍കി. സിനിമാ, സീരിയല്‍താരം സീമ ജി. നായര്‍, സഹൃദയ ജനറല്‍ മാനേജര്‍ പാപ്പച്ചന്‍ തെക്കേക്കര, കാരിത്താസ് ഇന്ത്യ പ്രോഗ്രാം ഓഫീസര്‍ സിബി ജോളി, സഹൃദയ ഡെപ്യൂട്ടി ജനറല്‍ മാനേജര്‍ പി.പി. തോമസ്, ഹെല്‍ത്ത് കോ-ഓര്‍ഡിനേറ്റര്‍ സിസ്റ്റര്‍ മോളി എന്നിവര്‍ സംസാരിച്ചു.
റേഡിയേഷന്‍ ചികിത്സയുടെ ഭാഗമായി മുടികൊഴിയുന്നവര്‍ക്ക് സൗജന്യ നിരക്കില്‍ വിഗ്ഗുകള്‍ നല്‍ കാനുള്ള ലക്ഷ്യത്തോടെയാണ് കാരിത്താസ് ഇന്ത്യയുടെയും തൃശൂര്‍ അമല കാന്‍സര്‍ ഹോസ്പിറ്റലിന്റേയും സഹകരണത്തോടെ സഹൃദയ കേശദാനം പദ്ധതി നടപ്പാക്കുന്നതെന്ന് ഡയറക്ടര്‍ ഫാ. പോള്‍ ചെറുപിള്ളി അറിയിച്ചു. അങ്കമാലി, ചേര്‍ത്തല, വൈക്കം, പറവൂര്‍ മേഖലാതലങ്ങളിലം ഈ പരിപാടി നടപ്പാക്കുമെന്നും അദ്ദേഹം പറഞ്ഞു.
More Readings »
ന്യൂനപക്ഷ സ്‌കോളർഷിപ്പ് പദ്ധതി തുക വെട്ടിക്കുറച്ച സർക്കാർ നടപടി പ്രതിഷേധാർഹം: കെസിബിസി വിദ്യാഭ്യാസ - ജാഗ്രത കമ്മീഷനുകളുടെ സംയുക്ത പ്രസ്താവന
കൊച്ചി: ക്രൈസ്തവര്‍ ഉള്‍പ്പെടെയുള്ള ന്യൂനപക്ഷ വിദ്യാര്‍ത്ഥികള്‍ക്കുള്ള സ്കോളര്‍ഷിപ്പ് തുക...
സഹോദര വൈദികനെ കഴുത്തറുത്ത് കൊന്ന പ്രതിയുടെ അമ്മയെ ചേര്‍ത്തുപിടിച്ച സഹോദരിയുടെ ക്രിസ്തു സാക്ഷ്യം
പാരീസ്: ഫ്രാന്‍സിലെ ദേവാലയത്തില്‍ വിശുദ്ധ കുര്‍ബാന അര്‍പ്പിച്ചുകൊണ്ടിരിക്കെ ഇസ്ലാമിക്...
പാവങ്ങളെ സഹായിക്കണം, രോഗികളെ ലൂര്‍ദ്ദിലേക്ക് എത്തിക്കണം; മെഴുകുതിരി കച്ചവടവുമായി സ്പാനിഷ് യുവാവ്
മാഡ്രിഡ്: സ്‌പെയിനിലെ മാഡ്രിഡിന്റെ ഹൃദയഭാഗത്ത്, മെഴുകുതിരി കച്ചവടം നടത്തുന്ന യുവാവിന്റെ വിശ്വാസ...
കുട്ടികളെ അച്ചടക്കത്തില്‍ വളര്‍ത്തുവാന്‍ ഡോണ്‍ ബോസ്കോയുടെ 6 നിര്‍ദ്ദേശങ്ങള്‍
കുട്ടികളെ അച്ചടക്കത്തില്‍ വളര്‍ത്തുകയെന്നത് മാതാപിതാക്കളെയും അദ്ധ്യാപകരെയും...
അൽബേനിയൻ ഓർത്തഡോക്സ് സഭാധ്യക്ഷന്റെ വിയോഗത്തില്‍ അനുശോചനവുമായി ഫ്രാൻസിസ് പാപ്പ
വത്തിക്കാന്‍ സിറ്റി/ ടിരാന: അൽബേനിയയിലെ ഓർത്തഡോക്സ് സഭയെ നയിച്ചിരുന്ന ആർച്ച് ബിഷപ്പ്...
ജോബ് പോർട്ടലുമായി കത്തോലിക്ക കോൺഗ്രസ്
കൊച്ചി: ലോകത്തെങ്ങുമുള്ള തൊഴിലവസരങ്ങൾ അറിയിക്കാൻ കത്തോലിക്ക കോൺഗ്രസ് ഗ്ലോബൽ സമിതി തുടങ്ങിയ ജോബ്...
