അത്ഭുതകരമായ അനുഗ്രഹങ്ങളുടെ ഉറവിടം കൂടിയാണ് ഈ ജപമാലകളെന്നു ഫാദര്‍ റിച്ചാര്‍ഡ് ഹെയില്‍മാന്‍ പ്രസിഡന്റിനെഴുതിയ കത്തില്‍ പറയുന്നു. പ്രസിഡന്റിനും, പ്രഥമവനിതക്കും, ഉപദേഷ്ടാക്കള്‍ക്കും വേണ്ടിയുള്ള പതിനായിര കണക്കിന് ആളുകളുടെ പ്രാര്‍ത്ഥനയുടെ ഒരു പ്രതീകമാണ് ഈ ജപമാലകളെന്നും അദ്ദേഹം കുറിച്ചു.
തിരഞ്ഞെടുപ്പ് കാലത്ത് പതിനായിരകണക്കിന് ആളുകള്‍ ഒരുമിച്ച് “നൊവേന ഫോര്‍ ഔര്‍ നേഷന്‍” എന്ന പേരില്‍ 54 ദിന ജപമാല ചൊല്ലിയ കാര്യവും അദ്ദേഹം തന്റെ കത്തില്‍ സ്മരിച്ചു. നവംബര്‍ 8-ന് സന്ധ്യക്ക് 7 മണിയോടടുപ്പിച്ച് പ്രസിഡന്റിനു വേണ്ടി താന്‍ അര്‍പ്പിക്കുന്ന ജപമാലയില്‍ രാജ്യത്തെ മുഴുവന്‍ കത്തോലിക്കരും പങ്കു ചേരണമെന്നും ഫാദര്‍ റിച്ചാര്‍ഡ് ഹെയില്‍മാന്‍ അഭ്യര്‍ത്ഥിച്ചിട്ടുണ്ട്.
