ലണ്ടന്‍: കൊറോണ വൈറസ് ഇംഗ്ലണ്ടിൽ പിടിമുറുക്കിയപ്പോൾ ബ്രിട്ടനിലെ പ്രശസ്ത മരിയൻ തീർത്ഥാടന കേന്ദ്രമായ വാല്‍സിംഹാം അടച്ചിടേണ്ടി വന്നെങ്കിലും ഓണ്‍ലൈന്‍ വഴി തീര്‍ത്ഥാടനത്തില്‍ അനുദിനം പങ്കുചേരുന്നത് ആയിരങ്ങള്‍. വിശുദ്ധ കുർബാനയോടുകൂടിയാണ് എല്ലാ ദിവസത്തെയും തത്സമയ സംപ്രേക്ഷണം ആരംഭിക്കുന്നത്. തുടർന്ന് ദിവ്യകാരുണ്യം എഴുന്നള്ളിച്ചുവയ്ക്കും. ഇതേ തുടര്‍ന്നു ജപമാല പ്രാർത്ഥന, ത്രികാല പ്രാർത്ഥന, വചനസന്ദേശം തുടങ്ങിയവയാണ് നടക്കുക. കരുണക്കൊന്തയും ശുശ്രൂഷകളുടെ ഭാഗമാകുന്നു. ആയിരക്കണക്കിന് ആളുകളാണ് ദിവസവും തൽസമയ സംപ്രേഷണം കണ്ടുകൊണ്ടിരിക്കുന്നത്.

നേരത്തെ ലോക്ക്ഡൗണിനെ തുടര്‍ന്നു തീർത്ഥാടന കേന്ദ്രത്തിന്റെ റെക്ടറായ മോൺസിഞ്ഞോർ ജോൺ ആർമിട്ടേജാണ് തീർത്ഥാടന കേന്ദ്രത്തിന്റെ വെബ്സൈറ്റിലൂടെ വിശുദ്ധ കുർബാനയും, അവിടെ നടക്കുന്ന മറ്റു ശുശ്രൂഷകളും തൽസമയം ജനങ്ങളിലെത്തിക്കാൻ തീരുമാനിക്കുന്നത്. കത്തോലിക്കാ മാധ്യമമായ ഇറ്റേണൽ വേൾഡ് ടെലിവിഷൻ നെറ്റ്‌വർക്ക് ഇതിനുവേണ്ടിയുള്ള വേഗതയേറിയ ഇന്റർനെറ്റ് കണക്ഷൻ ലഭ്യമാക്കി. 135 രാജ്യങ്ങളിൽ നിന്നുള്ള വിശ്വാസികൾ തൽസമയ സംപ്രേക്ഷണം കാണാൻ വെബ്സൈറ്റ് സന്ദർശിച്ചിട്ടുണ്ടെന്ന് മോണ്‍. ജോൺ ആർമിട്ടേജ് വെളിപ്പെടുത്തി. ഓൺലൈനിലൂടെ ആണെങ്കിലും ഇങ്ങനെയുള്ള ഒരു തീർത്ഥാടക പ്രവാഹം ആദ്യമായിട്ടാണ് ഉണ്ടാകുന്നതെന്ന് അദ്ദേഹം പറയുന്നു.

ഇതിനിടെ നിരവധി ആളുകൾ മോൺസിഞ്ഞോർ ആർമിട്ടേജിന് നന്ദി പ്രകാശിപ്പിച്ചു കത്തുകള്‍ അയച്ചിരിന്നു. വർഷങ്ങളായി ലോക്ക്ഡൗണിനു സമാനമായ അവസ്ഥയിൽ ഭവനങ്ങളിൽ കഴിയുന്ന പ്രായമായവരുമായി ഒരു ആത്മീയ ബന്ധം സ്ഥാപിച്ചെടുക്കാൻ സാധിച്ചത് ഒരു വലിയ നേട്ടമായാണ് അദ്ദേഹം കരുതുന്നത്. മാർച്ച് 29നു ഇംഗ്ലണ്ടിനെ മാതാവിന് സമർപ്പിക്കുന്ന ചടങ്ങ് തീര്‍ത്ഥാടനകേന്ദ്രത്തില്‍ നടത്തിയിരിന്നു. കോവിഡ് 19 നിയന്ത്രണങ്ങൾ മൂലം തീർത്ഥാടന കേന്ദ്രത്തിന്റെ വെബ്സൈറ്റിലൂടെയും, യൂട്യൂബ് പേജിലൂടെയുമാണ് ആളുകൾ ചടങ്ങ് വീക്ഷിച്ചത്.

തന്നെ തീർത്ഥാടന കേന്ദ്രത്തിന്റെ വികസന പ്രവർത്തനങ്ങളുടെ ദൗത്യം മെത്രാൻ ഏൽപ്പിച്ചപ്പോൾ കെട്ടിടങ്ങളുടെ വികസനമാണ് താൻ മനസ്സിൽ കണ്ടതെന്നും എന്നാൽ മരിയൻ സന്ദേശങ്ങൾ പ്രചരിപ്പിക്കുകയായിരുന്നു തന്റെ ദൗത്യമെന്ന് പിന്നീടാണ് മനസ്സിലായതെന്നും മോൺസിഞ്ഞോർ ആർമിട്ടേജ് പറഞ്ഞു. 2014 റെക്ടർ പദവി ഏറ്റെടുത്ത ആർമിട്ടേജ് സെപ്റ്റംബർ മാസം സ്ഥാനമൊഴിയും. നേരത്തെ നിശ്ചയിച്ചിരുന്ന പോലെ ജൂലൈ നാലാം തീയതി തീർത്ഥാടന കേന്ദ്രം തുറന്നാലും തൽസമയ സംപ്രേഷണം തുടരുവാനാണ് അധികൃതരുടെ തീരുമാനം. 1061ൽ പരിശുദ്ധ ദൈവമാതാവ് നിരവധി തവണ പ്രത്യക്ഷപ്പെട്ട വാല്‍സിംഹാമിൽ റിച്ചൽഡിസ് ഡി ഫവർച്ചസ് എന്ന ധനികയായിരുന്ന കത്തോലിക്ക യുവതിയാണ് തീർത്ഥാടന കേന്ദ്രം പണികഴിപ്പിച്ചത്. മധ്യകാലഘട്ടത്തിൽ, ഇംഗ്ലണ്ടിലെ നസ്രത്ത് എന്ന പേരിൽ വാൽസിംഹാം അറിയപ്പെട്ടിരുന്നു.

ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍ 

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക  ➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

തന്നെ കത്തോലിക്ക വിശ്വാസത്തിലേക്ക് നയിച്ചത് മദർ തെരേസ: വെളിപ്പെടുത്തലുമായി നടന്‍ മാര്‍ക്ക് വാൽബെർഗിന്റെ സഹോദരന്‍

വിശ്വാസികള്‍ക്ക് വിശുദ്ധ കുര്‍ബാന മുടക്കാതെ ഫിലിപ്പീന്‍സ് വൈദികന്റെ സഞ്ചരിക്കുന്ന അള്‍ത്താര

പകർച്ചവ്യാധിയില്‍ നിന്ന് വിടുതല്‍ യാചിച്ചുള്ള പാപ്പയുടെ ജപമാല സമര്‍പ്പണത്തില്‍ ലക്ഷങ്ങളുടെ പങ്കാളിത്തം

ബോംബുകൾ എന്നെ ക്രിസ്തുവിലേക്ക് നയിച്ചു: പുലിറ്റ്സർ സമ്മാനം നേടിയ വിശ്വവിഖ്യാതമായ ചിത്രത്തിലെ പെൺകുട്ടി

വൈറസ് നമ്മെ പ്രാര്‍ത്ഥനയില്‍ നിന്നും പിന്തിരിപ്പിക്കില്ല: കാരിസ് മോഡറേറ്റര്‍ ഷോണ്‍ ലൂക്ക് മോയന്‍സ്

ക്രിസ്തുവില്‍ വിശ്വസിച്ചു: ഉഗാണ്ടയില്‍ മുസ്ലീം യുവതിയുടെ ദേഹത്ത് പിതാവ് തിളച്ച എണ്ണയൊഴിച്ചു

കയ്യുറ അണിഞ്ഞുകൊണ്ട് തിരുവോസ്തി നല്‍കുന്നത് വിശുദ്ധ കുര്‍ബാനയോടുള്ള അവഹേളനം: വത്തിക്കാനിലെ പ്രമുഖ ദൈവശാസ്ത്രജ്ഞന്‍

പ്രാർത്ഥന ദൈവത്തിലേക്കുള്ള വാതിൽ തുറക്കുന്നു: ഫ്രാൻസിസ് പാപ്പ

പന്തക്കുസ്ത ഞായറിന് തലേന്ന് മരിയന്‍ ഗ്രോട്ടോയിൽ ജപമാല അര്‍പ്പിക്കുവാന്‍ പാപ്പ: പങ്കുചേരാന്‍ ആഗോള തീര്‍ത്ഥാടനകേന്ദ്രങ്ങളും

പ്ലേഗില്‍ നിന്ന് ഇറ്റലിയെ രക്ഷിച്ച ക്രൂശിത രൂപത്തിന്റെ അത്ഭുത ശക്തി കോവിഡ് കാലത്തും?