Youth Zone
'ഈശോ മിശിഹായ്ക്കു സ്തുതിയായിരിക്കട്ടെ': നഷ്ട്ടമാകുന്ന പാരമ്പര്യം വീണ്ടെടുക്കുവാന്‍ താമരശ്ശേരി രൂപത കെ‌സി‌വൈ‌എം
പ്രവാചക ശബ്ദം 06-10-2020 - Tuesday
താമരശ്ശേരി: നസ്രാണി പാരമ്പര്യമായ 'ഈശോമിശിഹായ്ക്കു സ്തുതിയായിരിക്കട്ടെ' അഭിസംബോധന വിസ്മരിക്കപ്പെടുന്ന ഇക്കാലഘട്ടത്തില്‍ ശ്രദ്ധേയമായ മുന്നേറ്റവുമായി താമരശ്ശേരി രൂപതയിലെ യുവജനങ്ങള്‍. പരസ്പരം കാണുമ്പോള്‍ 'നിന്നിൽ ഞാൻ ഈശോയെ കാണുന്നു' എന്ന് അർത്ഥമാക്കുന്ന 'ഈശോമിശിഹായ്ക്കു സ്തുതിയായിരിക്കട്ടെ' എന്ന അഭിസംബോധന നടത്തി വിശ്വാസത്തിന് സാക്ഷ്യമേകാനാണ് തങ്ങളുടെ തീരുമാനമെന്ന് രൂപത കെ‌സി‌വൈ‌എം നേതൃത്വം പുറത്തിറക്കിയ വീഡിയോ സന്ദേശത്തില്‍ വ്യക്തമാക്കി.
ഈ ശീലം ജീവിതത്തിന്റെ ഭാഗമാക്കാനും 'ഈശോമിശിഹായ്ക്കു സ്തുതിയായിരിക്കട്ടെ' അഭിസംബോധനയോടെ എല്ലാ പ്രസംഗങ്ങളും കുറിപ്പുകളും ആരംഭിക്കുവാനും ഒരുങ്ങുകയാണ് യുവജന കൂട്ടായ്മ. വൈദികരെയും സന്യസ്ഥരെയും കാണുമ്പോൾ മാത്രമല്ല, പരസ്പരം കാണുമ്പോഴും ക്രിസ്തു കേന്ദ്രീകൃതമായ ഈ സംബോധന ആവര്‍ത്തിക്കുവാനാണ് രൂപതയിലെ യുവജനങ്ങളുടെ തീരുമാനം. ഇതുമായി ബന്ധപ്പെട്ട് രൂപതയിലെ കെ‌സി‌വൈ‌എം നേതൃത്വം പുറത്തിറക്കിയ വീഡിയോ ഇതിനോടകം വൈറലായിട്ടുണ്ട്.
ക്രൈസ്തവർ ആണെന് പറയാൻ മടിക്കുന്നവരുടെ ഇടയിൽ ക്രിസ്തുവിനെ പിന്തുടരുന്നതിൽ അഭിമാനിക്കുന്നു എന്ന ബോധ്യത്തോടെ 'ഈശോ മിശിഹായ്ക്കു സ്തുതിയായിരിക്കട്ടെ'യെന്ന് പറയാൻ നിങ്ങളും തയാറാണോയെന്ന ചോദ്യത്തോടെയാണ് വീഡിയോ സമാപിക്കുന്നത്. ആധുനിക കാലത്തിന്റെ കുത്തൊഴുക്കില്‍ യുവജനങ്ങള്‍ പായുമ്പോള്‍ ഈശോയെ പ്രഘോഷിക്കുവാൻ മടികാണിക്കാതെ മറ്റുള്ളവരിലും ഈശോയെ ദർശിക്കുവാൻ പ്രചോദനം നൽകുന്ന താമരശ്ശേരി രൂപതയിലെ യുവജനങ്ങൾക്കു നിറഞ്ഞ കൈയടിയാണ് സോഷ്യല്‍ മീഡിയയില്‍ ലഭിക്കുന്നത്.
ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം
➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Page 1 of 17
More Readings »
സഹനങ്ങളിലും കര്‍ത്താവിന്റെ ജനനത്തിന്റെ അനുസ്മരണം ആചരിക്കണം: ആഹ്വാനവുമായി ജെറുസലേം പാത്രിയാര്‍ക്കേറ്റ്
ജെറുസലേം: യുദ്ധത്തിലൂടെയാണ് കടന്നുപോകുന്നതെങ്കിലും വരാനിരിക്കുന്ന ആഗമന ക്രിസ്തുമസ് കാലത്ത്,...
ദുരിതബാധിതര്‍ക്കു സഹായം നല്‍കുന്നത് തുടര്‍ന്ന് കത്തോലിക്ക സഭ
കൊച്ചി: ജൂലൈമാസത്തിൽ വയനാട്ടിലും വിലങ്ങാടും ഉണ്ടായ അതിതീവ്രമഴയിലും, മേപ്പാടി പഞ്ചായത്തിലെ...
കെസിബിസി മാധ്യമ അവാർഡുകൾ പ്രഖ്യാപിച്ചു
കൊച്ചി: കെസിബിസി മീഡിയ കമ്മീഷൻ നൽകുന്ന 33-ാമത് മാധ്യമ അവാർഡുകൾ പ്രഖ്യാപിച്ചു. വിവിധ മേഖലകളിൽ മികവു...
ശുദ്ധീകരണാത്മാക്കളുടെ വണക്കമാസം: ഇരുപത്തി ആറാം തീയതി
ശുദ്ധീകരണ സ്ഥലത്തിലെ ആത്മാക്കളെ സഹായിക്കുന്നതിനു വളരെ എളുപ്പവും ഫലനിശ്ചയവുമുള്ള ഒരു മാര്‍ഗ്ഗം...
മോറിസിലെ വിശുദ്ധ ലിയോണാര്‍ഡ്
ഒരു കപ്പലിലെ കപ്പിത്താനായിരുന്നു വിശുദ്ധ ലിയോണാര്‍ഡിന്റെ പിതാവ്. അദ്ദേഹത്തിന്റെ കുടുംബമാകട്ടെ...
ക്രിസ്തുവിനോടൊപ്പം മുന്നേറുക
"ക്രിസ്തുവിനെ കര്‍ത്താവായി നിങ്ങളുടെ ഹൃദയത്തില്‍ പൂജിക്കുവിന്‍. നിങ്ങള്‍ക്കുള്ള...
