കൊച്ചി: വിശ്വമാനവിക മൂല്യങ്ങളെയും ക്രിസ്തീയ വിശ്വാസസത്യങ്ങളേയും കുറിച്ചുള്ള കറകളഞ്ഞ ബോധ്യങ്ങൾ, അനേകര്‍ക്ക് മുന്നിൽ എത്തിക്കുവാനായി, ജീസസ് യൂത്തിലെ മാധ്യമ വിഭാഗമായ കെയ്റോസ് മീഡിയ http://truthmemes.org/ എന്ന പുതു സംരംഭത്തിനു തുടക്കം കുറിച്ചു. മതബോധന രംഗമുൾപ്പെടെ, സാമൂഹ്യ മാധ്യമ രംഗങ്ങളിലെ ഫലപ്രദമായ പ്രതികരണത്തിനും പഠനം, സംശയനിവാരണം, വിവരശേഖരണം എന്നിവയ്ക്കുമായുള്ള ഈ വിപുലമായ ശേഖരമാണ് മലയാളത്തിലും ഇംഗ്ലീഷിലുമായി ഒരുക്കുന്നത്. കെയ്റോസ് സംഘടിപ്പിച്ച ഓൺലൈൻ പ്രോഗ്രാം വഴി, മാണ്ഡ്യാ രൂപതാധ്യക്ഷന്‍ മാർ സെബാസ്റ്റ്യന്‍ എടയന്ത്രത്ത് ട്രൂത്ത്‌ മീംസിൻ്റെ വെബ്സൈറ്റ് ഉദ്ഘാടനം ചെയ്തു. വിശ്വാസ സംബന്ധമായ കാര്യങ്ങളിൽ പ്രബുദ്ധരാകുവാൻ സഹായിക്കുന്ന ചിത്രങ്ങളും വിവരങ്ങളും വെബ്സൈറ്റില്‍ ലഭ്യമാണ്.

സന്ദര്‍ശിക്കുക: http://truthmemes.org/