News - 2024
കര്‍ദിനാള്‍ സില്‍വാനോ പിയോവാനെല്ലി അന്തരിച്ചു
സ്വന്തം ലേഖകന്‍ 14-07-2016 - Thursday
വത്തിക്കാന്‍: വാര്‍ദ്ധക്യ സംബന്ധമായ അസുഖങ്ങളാല്‍ ചികിത്സയിലായിരിന്ന ഫ്‌ളോറിഡയിലെ മുന്‍ കര്‍ദിനാള്‍ സില്‍വാനോ പിയോവാനെല്ലി (92) അന്തരിച്ചു. 1982ല്‍ ഫ്ലോറന്‍സ് സഹായമെത്രാനായ ഇദ്ദേഹം 1983ല്‍ ആര്‍ച്ച് ബിഷപ്പായി. 1985 മുതല്‍ കര്‍ദിനാളായിരുന്നു. 18 വര്‍ഷത്തെ നിസ്തുല സേവനത്തിന് ശേഷം 2001 മാര്‍ച്ച് 21-നാണ് അദ്ദേഹം വിരമിക്കുന്നത്. നിലവില്‍ മാര്‍പാപ്പയെ തെരഞ്ഞെടുക്കുന്ന കോണ്‍ക്ലേവ് സംഘത്തില്‍ അംഗമായിരിന്നു.
കര്‍ദിനാള്‍ സില്‍വാനോയുടെ മരണത്തോടെ കോണ്‍ക്ലേവ് സംഘത്തിലെ അംഗങ്ങളുടെ എണ്ണം 212 ആയി കുറഞ്ഞു. സഭയ്ക്ക് വേണ്ടി ആത്മാര്‍ത്ഥമായി സേവനം ചെയ്ത കര്‍ദിനാള്‍ സില്‍വാനോയുടെ നിര്യാണത്തില്‍ ദുഃഖിക്കുന്നുവെന്നും ആത്മശാന്തിക്കായി പ്രാര്‍ത്ഥിക്കുന്നുവെന്നും ഫ്രാന്‍സിസ് പാപ്പ അനുശോചന സന്ദേശത്തില്‍ സൂചിപ്പിച്ചു.
