Arts
ക്രിസ്തീയ ചരിത്രത്തിലേക്ക് തിരിഞ്ഞു നോട്ടവുമായി അമേരിക്കന്‍ സ്വദേശിയുടെ നോമ്പുകാല വീഡിയോകള്‍ ശ്രദ്ധ നേടുന്നു
പ്രവാചകശബ്ദം 28-03-2023 - Tuesday
റോം: നോമ്പിന്റെ ഭാഗമായി ചിലര്‍ സമൂഹമാധ്യമങ്ങള്‍ ഒഴിവാക്കി ത്യാഗമെടുക്കുമ്പോള്‍ സമൂഹ മാധ്യമങ്ങളെ ക്രിസ്തീയ ചരിത്രത്തിന്റെ ആഴങ്ങളിലേക്ക് കൂട്ടിക്കൊണ്ട് പോകുന്ന അമേരിക്കന്‍ സ്വദേശിയായ ജേക്കബ് സ്റ്റെയിന്റെ നോമ്പുകാല വീഡിയോകള്‍ വ്യത്യസ്തതകൊണ്ട് ശ്രദ്ധ നേടുന്നു. നോമ്പുകാലത്തേ ഓരോ ദിവസവും, ആദ്യകാല ക്രിസ്ത്യന്‍ രക്തസാക്ഷികളെക്കുറിച്ചും, റോമിലെ ഏറ്റവും പുരാതന ദേവാലയങ്ങളേക്കുറിച്ചുമുള്ള വീഡിയോകള്‍ സമൂഹമാധ്യമങ്ങളില്‍ പങ്കുവെച്ചുക്കൊണ്ടാണ് ക്രിസ്തു വിശ്വാസത്തിന്റെ ആദിമ ചരിത്രത്തിലേക്ക് കൂട്ടിക്കൊണ്ടു പോകുന്ന ശ്രദ്ധേയമായ ദൗത്യം ജേക്കബ് തുടരുന്നത്.
പുരാതനകാലത്ത് നോമ്പിന്റെ ഭാഗമായി ലെന്റെന്‍ സ്റ്റേഷന്‍ ചര്‍ച്ച് തീര്‍ത്ഥാടനം എന്ന പേരില്‍ കത്തോലിക്കര്‍ പ്രദക്ഷിണമായി സന്ദര്‍ശിച്ചിരുന്ന ദേവാലയങ്ങളുടെ സഞ്ചാര പാത പിന്തുടര്‍ന്നുകൊണ്ട് ഈ നോമ്പിന്റെ ഓരോ ദിവസവും റോമിലെ ഓരോ ദേവാലയം വീതം സന്ദര്‍ശിക്കുകയും അത് മനോഹരമായി കാണികളിലേക്ക് എത്തിക്കുകയുമാണ് അദ്ദേഹം ചെയ്യുന്നത്. റോമിനെ അതിന്റെ മനോഹാരിതയോടുകൂടി ജനങ്ങളെ കാണിക്കുവാനും, രക്തസാക്ഷികളോടുള്ള റോമന്‍ ജനതയുടെ ഭക്തിയുടെ ആഴം ജനങ്ങളെ ബോധ്യപ്പെടുത്തുവാനുമാണ് തന്റെ ശ്രമമെന്നു ജേക്കബ് പറയുന്നു.
റോമിന്റെ നോമ്പുകാല തീര്‍ത്ഥാടന ചരിത്രം ‘ക്രക്സ് സ്റ്റേഷനാലിസ്’ എന്ന സമൂഹമാധ്യമ അപ്പോസ്തലേറ്റ് വഴിയും, ‘റോമന്‍സ്റ്റേഷന്‍ചര്‍ച്ച്.കോം’ എന്ന തന്റെ ബ്ലോഗ്ഗിലൂടേയും വെളിച്ചത്തുകൊണ്ടുവരുവാനാണ് ജേക്കബ് സ്റ്റെയിന്റെ ശ്രമം. 2021-ലെ നോമ്പുകാലത്താണ് സ്റ്റെയിന്‍ ക്രക്സ് സ്റ്റേഷനാലിസിന്റെ യൂട്യൂബ്, ഇന്‍സ്റ്റാഗ്രാം ചാനലുകള്‍ തുടങ്ങുന്നത്. വിശുദ്ധരുടെ ലുത്തീനിയ ചൊല്ലിയും, രക്തസാക്ഷികളുടെ കബറിടത്തില്‍ വിശുദ്ധ കുര്‍ബാനകള്‍ അര്‍പ്പിച്ചും കൊണ്ടുള്ള പേപ്പല്‍ പ്രദക്ഷിണം ഉള്‍പ്പെടുന്ന പുരാതന കാല 'ലെന്റന്‍ സ്റ്റേഷന്‍ ചര്‍ച്ച് തീര്‍ത്ഥാടനം' നാലാം നൂറ്റാണ്ടിലാണ് ആരംഭിക്കുന്നത്. ആറാം നൂറ്റാണ്ടില്‍ മഹാനായ വിശുദ്ധ ഗ്രിഗറിയാണ് തീര്‍ത്ഥാടനത്തിനായി 25 ദേവാലയങ്ങള്‍ നിശ്ചയിക്കുന്നത്. പതിനാലാം നൂറ്റാണ്ടായപ്പോഴേക്കും ദേവാലയങ്ങളുടെ എണ്ണം കൂടി. പിന്നീട് ഈ പാരമ്പര്യത്തിന്റെ പ്രസക്തി ക്രമേണ ഇല്ലാതായി.
വിഭൂതി ബുധന്‍ ദേവാലയമായ ദി ബസലിക്ക ഓഫ് സാന്താ സബീനയില്‍ തുടങ്ങി ക്രിസ്തുവിനെ തറച്ച കുരിശിന്റെ തിരുശേഷിപ്പുകള്‍ അടങ്ങുന്ന ജറുസലേം ഹോളിക്രോസ് ബസിലിക്ക ദേവാലയത്തിലാണ് സ്റ്റെയിന്റെ വീഡിയോ അവസാനിക്കുക. റോമില്‍ ദൈവശാസ്ത്രത്തിലും തത്വശാസ്ത്രത്തിലും പഠനം പൂര്‍ത്തീകരിച്ച ശേഷമാണ് സ്റ്റെയിന്‍ തന്റെ സമൂഹമാധ്യമ ശുശ്രൂഷ ആരംഭിക്കുന്നത്. ക്രക്സ് സ്റ്റേഷനാലിസ് എന്ന്‍ വിളിക്കപ്പെട്ടിരുന്ന ഒരു കുരിശിന്റെ പിന്നിലായി അണിനിരക്കുന്ന തീര്‍ത്ഥാടകര്‍ ഒരു ദേവാലയത്തില്‍ നിന്നും മറ്റൊരു ദേവാലയത്തിലേക്ക് പ്രദക്ഷിണമായി പോകുന്നതായിരുന്നു പുരാതന പാരമ്പര്യമെന്നു സ്റ്റെയിന്‍ പറയുന്നു. നാല്‍പ്പതിലധികം ദേവാലയങ്ങളാണ് ഇക്കാലത്തെ സ്റ്റേഷന്‍ ചര്‍ച്ച് തീര്‍ത്ഥാടനത്തില്‍ ഉള്‍പ്പെടുന്നത്.
** വെബ്സൈറ്റ്: https://passioxp.com/
Page 1 of 54
More Readings »
മാര്‍പാപ്പമാരുടെ മൃതസംസ്കാര ചടങ്ങുകൾക്കായുള്ള നവീകരിച്ച ക്രമം പ്രസിദ്ധീകരിച്ചു
വത്തിക്കാന്‍ സിറ്റി: മാര്‍പാപ്പമാരുടെ മൃതസംസ്കാര ചടങ്ങുകൾക്കായുള്ള നവീകരിച്ച പുസ്തകം...
വിശുദ്ധ പദവിയിലേക്ക് ആദ്യ കമ്പ്യൂട്ടർ പ്രതിഭ; കാര്‍ളോയെ ഏപ്രില്‍ അവസാന വാരത്തില്‍ വിശുദ്ധനായി പ്രഖ്യാപിക്കും
വത്തിക്കാന്‍ സിറ്റി: തിരുസഭ ചരിത്രത്തിൽ വിശുദ്ധ പദവിയിലേക്ക് പ്രവേശിക്കുന്ന ആദ്യ കമ്പ്യൂട്ടർ...
വിശുദ്ധ ഫ്രാൻസിസ് സേവ്യറിൻ്റെ തിരുശേഷിപ്പ് പരസ്യവണക്കം ഇന്ന് മുതല്‍
പനജി: വിശുദ്ധ ഫ്രാൻസിസ് സേവ്യറിൻ്റെ തിരുശേഷിപ്പ് പരസ്യവണക്കം ഇന്ന് ഓൾഡ് ഗോവയിലെ സേ കത്തീഡ്രലിൽ...
മുഖ്യമന്ത്രിയുടെ വാക്കുകള്‍ മുനമ്പം ജനതയുടെ കണ്ണീരൊപ്പുന്നതായിരിക്കണം: ഗീവർഗീസ് മാർ അപ്രേം
കൊച്ചി: മുഖ്യമന്ത്രിയുടെ നാളത്തെ ചർച്ചകൾക്കുശേഷമുള്ള പരിഹാര മാർഗവും വാക്കുകളും മുനമ്പം ജനതയുടെ...
ക്രിസ്തുമസിന് തയാറെടുപ്പുമായി വത്തിക്കാന്‍; പുല്‍ക്കൂടും ട്രീയും ഡിസംബർ 7ന് അനാവരണം ചെയ്യും
വത്തിക്കാൻ സിറ്റി: ക്രിസ്തുമസിന്റെ വരവ് അറിയിച്ച് വത്തിക്കാനിലെ സെൻ്റ് പീറ്റേഴ്സ് സ്ക്വയറിൽ...
യുദ്ധത്തിന് ആയിരം ദിവസം; യുക്രൈന് കത്തയച്ച് പാപ്പയുടെ സാന്ത്വനം
വത്തിക്കാന്‍ സിറ്റി: യുക്രൈനു നേരെ റഷ്യ ആരംഭിച്ച യുദ്ധത്തിന് ആയിരം ദിവസം പിന്നിട്ട...
